4 orë më parëPeriskopi mëson arsyet: Bordi i AKK-së u bëri thirrje kryetarëve të komunave që të mos shkojnë në takim me Kurtin
Periskopi(5 vite më parë)
(5 vite më parë)Bordi i Asociacionit të Komunave të Kosovës (AKK) ka kërkuar nga kryetarët e komunave që të mos marrin pjesë në takimin urgjent të ftuar nga kryeministri i Kosovës, Albin Kurti, duke thënë se kanë arsye për këtë veprim. Periskopi mëson se mos-përfshirja e komunave të Kosovës në komitetin anti-COVID të cilin e formoi gjatë ditë […]
Periskopi mëson se mos-përfshirja e komunave të Kosovës në komitetin anti-COVID të cilin e formoi gjatë ditë djeshme Qeveria Kurti, ka indinjuar kryetarët dhe të njëjtit priten të mos marrin pjesë në këtë takim.
“Vendimi i djeshëm i Qeverisë së Kosovës për formimin e komitetit anti-COVID, ku Asociacioni i Komunave të Kosovës ka qenë anëtar, dhe largimi i AKK në mënyrë arbitrare i ka indinjuar kryetarët e komunave dhe pothuajse arsyeja kryesore që sot bordi i AKK ka bërë ftesë që kryetarët të mos shkojnë në takimin e thirrur nga kryeministri Kurti është kjo”, ka thënë në kushtet anonimiteti ky burim nga AKK për Periskopin.
Qëllimi i këtij takimi mësohet të jetë situata e krijuar nga pandemia me COVID-19. Ky takim i thirrur nga Kurti pritet të mbahet në ambientet e Qeverisë së Kosovës, ku do të marrë pjesë edhe ministri i Shëndetësisë, Arben Vitia. Takimi është ftuar për në orën 10:00.
Mbetet të shihet nëse kryetarët e komunave do të marrin pjesë apo jo./Periskopi/
