Policia del me detaje pas të shtënave me armë në Prishtinë: Një person i vdekur dhe një e plagosur

Policia e Kosovës e ka konfirmuar vdekjen e një person dhe një tjetri të plagosur pas të shtënave me armë në Prishtinë, shkruan Periskopi.

Zëdhënësi i Policisë, Agron Borovci ka thënë për Periskopin se ngjarja ka ndodhur rreth orës 21:15, derisa kanë nisur hetimet në lidhje me rastin.

“Rreth orës 21:15, është raportuar për gjuajtje me armë zjarri të ndodhur në rrugën “Jeronim De Rada” në Prishtinë.

Me të marrë informatën, policia ka dalë në vendin e ngjarjes dhe nga informacionet e para është bërë e ditur se për pasojë dy persona kanë marrë plagë nga arma e zjarrit ku  fatkeqësisht njëri nga ta ka ndërruar jetë.

Ndërkohë që e plagosura është dërguar në QKUK për trajtimin e nevojshëm mjekësor, policia po vijon punën e saj me veprime të ekzaminimit të vendngjarjes si dhe me veprime të tjera operativo-hetimore me qëllim identifikimin e të dyshuarve të implikuar në rast, si dhe sqarimin e plotë të rrethanave të ngjarjes”, tha Borovci për Periskopin

Siç merr vesh Periskopi, personi që ka mbetur i vdekur është Egzon Haziri.