Por, n’sa: Kurti tha se sot ka konferencë, por ende nuk dihet ora

Kryeministri Albin Kurti iu ka thënë gazetarëve që e pyetën lidhur me situatën në veri, se për këto pyetje do të përgjigjet sot gjatë një konference për media.

Deri në këto momente, nuk dihet se cila ështa ora e kësaj konference për media.

Ne kontrolluam e-mailin e Redaksisë dhe aty nuk pamë një njofitm të tillë ndërkohë që edhe Agjencia më e madhe e lajmeve në vend, Kosovapress, nuk ka një informacion të tillë, të paktën në ngjarjet e njoftuara për sot.

Njoftimet ditore të Kosovapressit:

Mbahet Samiti i parë Rajonal për Mbrojtje nga Diskriminimi Racor, i cili organizohet nën udhëheqjen e Zyrës së Kryeministrit të Kosovës, specifikisht për diskriminimin ndaj komuniteteve Rom, Ashkali dhe Egjiptian. (Hotel “Sëiss Diamond”, Prishtinë, ora 09:30) Do të ketë video – LIVE

Komisioni Ekonomi, Industri, Ndërmarrësi dhe Tregti shqyrton raportin me rekomandime për shqyrtimin e dytë të Projektligjit për masat e përkohshme të produkteve themelore në raste të veçanta të destabilizimit në treg. (Kuvendi i Kosovës, salla N-10, ora 10:00) Do të ketë video

Mbahet mbledhja e Kryesisë së Kuvendit. (Kuvendi i Kosovës, salla C-301, ora 11:00) Do të ketë video – LIVE

Këshilli Rinor Kosovar publikon raportin “Cilësia në arsim në komunën e Prishtinës– perceptimi i nxënësve të shkollimit të mesëm të lartë mbi përmbajtjen, procesin dhe mjedisin mësimor”. (Amfiteatri i Bibliotekës Kombëtare “Pjetër Bogdani”, ora 14:00) Do të ketë video

Aleanca për Ardhmërinë e Kosovës mban konferencë për media, lidhur me zhvillimet politike në vend. (Selia qendrore e AAK-së, ora 15:00) Do të ketë video – LIVE

Kurti iu tha gazetarëve se mban konferencë, por ende nuk e dimë n’sa ora

Pas përfundimit të panelit pjesë e të cilit ishte, kreu i ekzekutivit nuk është ndalur për t’u përgjigjur në pyetjet e gazetarëve lidhur me situatën aktuale në vend.

“Sot do të mbaj konferencë për medie”, ka thënë ai duke mos dhënë detaje të tjera./Periskopi/