Profesori universitar nxit diskriminimin gjinor në emision televiziv (Video)

Z.Maloku shpreh qëndrime absolutisht të tmerrshme e të papranueshme e të cilat duhet të ngritin shqetësime edhe te autoritetet relevante në Universitetin e Prishtinës.

Fillimisht, z.Maloku shpreh shqetësim mbi krizën që e ka kapluar martesën, duke e cilësuar atë si një kapilar shumë të rëndësishëm në “mirëmbajtjen e jetës sociale.”

Më pas, ai përflet veprën e filozofit të madh gjerman, Immanuel Kantit në lidhje me çështjen.

“M’ra ndërmend një përkufizim për dashurinë që e bën një filozof, një gjerman, Immanuel Kanti. Ai ka qenë 1 metër e 24 cenimetra i gjatë, s’u martu asnjëherë, ka jetu në një qytet, Keningsberg [Kaliningrad]. Ai e jep një përkufizim për dashurinë, shumë interesant. Dashuria thotë, është punë ndjenjash, jo dëshire. Unë thotë, nuk dashuroj pse dua, e aq më tepër pse obligohem, dhe konkluza është se dashuria e obligume është marri.” – thotë ai duke treguar se nuk ka kuptuar asgjë nga ato që shpreh filozofi gjerman në “Doktrinën e Virtytit”, shkruan Periskopi.

Për më tepër, filozofi i madh gjerman ka qenë 1 metër e 60 centimetër i gjatë, dhe jo 1 metër e 24 siç thotë z.Maloku.

Por, pjesa e mëposhtme është më problematikja e shprehur nga profesori universitar.

“Mashkulli, për nga natyra, femnën ka qef me posedu [15:20 nga videoja e mëposhtme]. Edhe femna, unë besoj, me psikologji, edhe femna është e krijume në atë mënyrë që e pëlqen posedimin… natyra e femnës është butësia, domethënë, është ma e ndjeshme.” – deklaroi ai.

Qëndrimet e tilla do të duhej të sanksionoheshin ashpër nga Universiteti i Prishtinës sepse inkurajojnë lloje të ndryshme të diskriminimit në baza gjinore. /Periskopi