7 minuta më parëProkuroria për operacionin antidrogë në Veternik: Hetimet po vazhdojnë
Periskopi(një vit më parë)
(një vit më parë)Një aksion i koordinuar mes Prokurorisë Themelore në Prishtinë dhe Njësisë së Antidrogës së Policisë së Kosovës ka rezultuar me sekuestrimin e mbi 2 kilogramëve substancë narkotike të dyshuar si kokainë, armë zjarri, vetura dhe prova të tjera materiale. Prokuroria Themelore në Prishtinë ka konfirmuar përmes një komunikate për media se operacioni është në zhvillim […]
Një aksion i koordinuar mes Prokurorisë Themelore në Prishtinë dhe Njësisë së Antidrogës së Policisë së Kosovës ka rezultuar me sekuestrimin e mbi 2 kilogramëve substancë narkotike të dyshuar si kokainë, armë zjarri, vetura dhe prova të tjera materiale.
Prokuroria Themelore në Prishtinë ka konfirmuar përmes një komunikate për media se operacioni është në zhvillim e sipër dhe se hetimet po vazhdojnë për të zbardhur plotësisht të gjitha rrethanat e rastit.
”Prokuroria Themelore është në zhvillim e sipër të këtij aksioni, dhe në bashkëpunim me organet e rendit po vazhdojnë hetimet e ngjarjes si dhe sqarimin e plotë të rrethanave të rastit”, thuhet në njoftim.
Zëdhënësi i Policisë së Kosovës, Daut Hoxha, tha se aksioni po vazhdon ende në disa lokacione të tjera.
“Sot, më 22.04.2025, Policia e Kosovës ka filluar një aksion taktik në kuadër të një mase të veçantë hetimore. Deri më tani janë arrestuar pesë persona të dyshuar dhe janë sekuestruar kokainë, armë zjarri, vetura dhe prova të tjera relevante”, tha Hoxha.
Edhe Prokuroria Themelore në Prishtinë ka konfirmuar përmes një komunikate për media se operacioni është në zhvillim e sipër dhe se hetimet po vazhdojnë për të zbardhur plotësisht të gjitha rrethanat e rastit.
Aksioni pritet të zgjerohet edhe në lokacione të tjera dhe pas përfundimit të bastisjeve pritet të jepen detaje shtesë për rezultatet konkrete./Periskopi/
