6 orë më parëPse kishte munguar Vjosa Osmani bash në seancën kur votohej Ligji që ndalon lojërat e fatit?
Periskopi(7 vite më parë)
(7 vite më parë)Kuvendi i Kosovës më 28 mars 2019, kishte miratuar Projektligjin për mbylljen e lojërave të fatit. Dy muaj më vonë, në maj 2019, Policia e Kosovës, në kuadër të një aksioni të gjerë kundër grupeve kriminale të lidhura me fajde, kishte arrestuar biznesmenin nga Mitrovica, Ismet Osmani – i njohur si Curri. Curri, njihet si […]
Më 20 maj 2019, Policia e Kosovës kishte arrestuar pronarin e disa bastoreve dhe kazinove në Kosovë, Ismet Osmanin, i njohur si Curri. Arrestimi i tij kishte ndodhur dy muaj pasi ishte miratuar Ligji që ndalon lojërat e fatit në vend.
Siç shihet nga mënyra e votimit të Projektligjit për ndalimin e lojërave të fatit, emri i Vjosa Osmanit nuk figuron të ketë votuar këtë Projektligj. Rrjedhimisht, Osmani është regjistruar në mesin e deputetëve ‘jo prezentë’.
Mediat kosovare, patën zbuluar lidhjet e udhëheqësit të grupit mafioz, Ismet Osmanit – Currit me ish-deputeten e LDK’së, Vjosa Osmani.
Në ditën kur ishte arrestuar ‘Curri’, Insajderi kishte raportuar se Vjosa Osmani dhe Ismet Osmani, kanë lidhje të afërta familjare. Vjosa Osmani dhe ‘Curri’ vijnë të dy nga qyteti i Mitrovicës, derisa një medium tjetër kosovar (Metro), raportonte se “babai i Vjosa Osmanit e ka Currin djalë të axhës”, apo siç njihet ndryshe – kushëriri i parë.
Mirëpo, për lidhjen familjare me ‘Currin’, Vjosa Osmani nuk ka komentuar asnjëherë.
Ismet Osmani – Curri, njihet për bizneset e tij në Kosovë dhe Çeki. Emisioni ‘Indoks’, kishte realizuar dokumentarin ‘Beteja mafioze’ ku fliste për figurën e ‘Currit’ dhe aktivitetet e tij kriminale.
Policia e Kosovës, kishte arrestuar ‘Currin’ me një grup personash nën dyshimin se kanë kryer vepra penale ‘fajde’, ‘detyrim’ dhe ‘mashtrim’ që kanë pasur për qëllim “në mënyrë të kundërligjshme – jo proporcionale të pasurisë së paluajtshme dhe të luajtshme (dy shtëpi në Prishtinë, një objekt, automjete dhe para).
Dëmi i përgjithshëm që dyshohet se ky grup i ka shkaktuar vendit me aktivitete kriminale, tejkalon vlerën prej 6 milionë eurosh.
Për mafiozin e famshëm kosovar kishin shkruar edhe mediat botërore. Njëri nga rrjetet më prestigjioze botërore për gazetari hulumtues, OCCRP-ja në vitin 2015 kishte publikuar një hetim të gjatë e të detajuar me titullin “Ngritja e krimit të organizuar nga Ballkani në Pragë”, e ku një nga personazhet kryesore negative është vetë Ismet Osman- Curri.
“Së paku gjashtë figura të rëndësishme kriminale të Ballkanit dhe grupet e tyre operojnë në Republikën Çeke, veçanërisht në Pragë. Këtu përfshihen grupi i Darko Shariç, Andrija Drashkoviç, Milan Narançiç, familja e Qazim Osmanit, grupi i Borislav Plavshiqit dhe klani i Ismet Osmanit”, thuhej në këtë hulumtim.
