5 minuta më parëPse po hesht Ambasada Amerikane pas fitores së Vetëvendosjes?
Periskopi(7 vite më parë)
(7 vite më parë)Ambasada Amerikane në Prishtinë nuk ka bërë asnjë postim pas daljes së rezultateve preliminare për zgjedhjet e parakohshme të 6 tetorit që e vendosin Vetëvendosjen të parën. “Çfarë dite e mirë – të lumtur që po shohim kaq shumë njerëz derisa votojnë – kjo tregon angazhimin tuaj të fortë për të ardhmen e Kosovës.” – […]
“Çfarë dite e mirë – të lumtur që po shohim kaq shumë njerëz derisa votojnë – kjo tregon angazhimin tuaj të fortë për të ardhmen e Kosovës.” – shkruante Ambasada në Facebook gjatë kohës sa po mbaheshin votimet.
Por, prej atij postimi nuk ka asnjë reagim. As nga faqja e Ambasadës por as nga faqja e ambasadorit Philip S. Kosnett, shkruan Periskopi.
Vetëvendosje kishte raporte mjaft të tensionuara në të kaluarën me Ambasadën amerikane, në kohën e ambasadores Tracey Ann Jacobson dhe në kohën e Christopher Dell.
Dell e kishte sulmuar haptas Vetëvendosjen ndërsa Jacobson kishte pretenduar madje se ishte lënduar në një protestë të këtyre të fundit në vitin 2014.
Por, këto raporte dukeshin më të shtensionuara në vitin e kaluar, kur Delawie ishte takuar me z.Kurti, liderin e kësaj partie.
E megjithatë, në përurimin e ambasadës së re, kryeministri i ardhshëm, Albin Kurti, kishte qenë i vetmi i një partie parlamentare që nuk kishte qenë i ftuar.
Të shpresojmë që me ardhjen e Vetëvendosjes në pushtet, raportet me Ambasadën e Amerikës do të relaksohen. /Periskopi
