2 minuta më parëPse u shpërfill Bajram Rexhepi, ish kryeministri i ndjerë i Kosovës? Ja çka dihet deri tash
Periskopi(5 vite më parë)
(5 vite më parë)Fotografi me personalitete të njohura u vendosën të dielen në një objekt në qendër të Mitrovicës. Edhe pse pati 27 figura, pjesë e tyre nuk ishte ajo e ish-kryeministrit të Kosovës, Bajram Rexhepi. E, për mos-vendosjen e fotografisë së tij, pati reagime të shumta. Gjatë të dieles me iniciativë të Komunës së Mitrovicës u zbuluan […]
Fotografi me personalitete të njohura u vendosën të dielen në një objekt në qendër të Mitrovicës. Edhe pse pati 27 figura, pjesë e tyre nuk ishte ajo e ish-kryeministrit të Kosovës, Bajram Rexhepi. E, për mos-vendosjen e fotografisë së tij, pati reagime të shumta.
Gjatë të dieles me iniciativë të Komunës së Mitrovicës u zbuluan fotografitë e 27 personaliteteve të njohura. Në këtë ngjarje mori pjesë edhe U.d e Presidentes, Vjosa Osmani, e cila e përkrahu këtë iniciativë, shkruan Periskopi.
Megjithatë, kritika pati Partia Demokratike e Kosovës – Dega në Mitrovicë, që thonë se duhet të përfshihen edhe dhjetra emra të tjerë, në mesin e tyre edhe ish-kryeministri Bajram Rexhepi.
Rexhepi ka gëzuar mbështetje mbi-partiake në Kosovë, për shkak edhe të profesionit të mjekut të cilin e kishte ushtruar.
Po ashtu, për vendosjen e tyre reagoi edhe deputetja e PDK’së, Besa Ismaili e cila tha se janë përjashtuar figurat e UÇK’së.
Ndërsa sipas Komunës se Mitrovicës, vendosja e këtyre fotografive është thjesht në fazën e parë.
Por kush ishte Bajram Rexhepi?
Ish-kryeministri i vendit u lind më 3 qershor 1953 në Mitrovicë dhe ndërroi jetë në vitin 2017 në moshën 63 vjeçare. Me profesion ishte kirurg. Rexhepi u diplomua në Fakultetin e Mjekësisë në Universitetin e Prishtinës në vitin 1979 dhe studimet pas-universitare i përfundoi në Zagreb në vitin 1985.
Punoi si kirurg i përgjithshëm dhe specialist endoskopik në spitalin rajonal të Mitrovicës deri në vitin 1990. Më pas, ai u bë udhëheqës i qeverisë hije në qytet dhe u zgjodh i dërguar i Mitrovicës në Kuvendin e Kosovës. Gjatë luftës më 1999 me Serbinë, Rexhepi iu bashkua Ushtrisë Çlirimtare të Kosovës dhe kaloi tre muaj në male duke shërbyer si mjek në zonën operative të Shalës.
Pas luftës, Rexhepi shërbeu si kryetar i këshillit bashkiak të Mitrovicës dhe Kryetar i pjesës së jugut të qytetit të ndarë, si dhe kreu i degës së PDK-së në qytet.
Në zgjedhjet e përgjithshme më 17 nëntor të vitit 2001, PDK fitoi 25.7 % të votave, duke u radhitur e dyta pas Lidhjes Demokratike të Kosovës, më 4 mars 2002, pas tre muaj bisedimesh dhe me ndërmjetësimin e kryeadministratorit të atëhershëm të Kosovës Michael Steiner, Kuvendi i Kosovës zgjodhi Bajram Rexhepin si Kryeministrin e parë të Kosovës dhe Ibrahim Rugovën si president.
Ish-kryeministri ka shërbyer edhe si ministër i Punëve të Brendshme të Kosovës./Periskopi/
