Qeveria e Kosovës dhe e Maqedonisë së Veriut mblidhen sot, me Shqipërinë s’dihet ende data

Zyra e kryeministrit e ka bërë të ditur agjendën finale për mbledhjen e përbashkët, ku fillimisht në ora 10:30 – 10:45 pritet mbërritja e delegacioneve e më pas edhe ajo e kryeministrave.

Pas ceremonisë zyrtare dhe fotografisë së përbashkët, kryeministrat Kurti dhe Mickoski pritet ta zhvillojnë një takim bilateral, e më pas do ta pasojnë takimet bilaterale ndërmjet ministrave të qeverive, si dhe takimi ndërqeveritar.

Nënshkrimi i marrëveshjeve të parapara pritet të bëhet pas takimit.

Kurti dhe Mickoski do ta mbajnë edhe një konferencë për media.

Ndryshe, që nga viti 2022, Qeveria e Kosovës dhe ajo e Shqipërisë nuk kanë zhvilluar mbledhje të përbashkët.

Pas anulimit që i bëri kryeministri i Shqipërisë mbledhjes së vitit 2023, ende nuk është caktuar ndonjë datë se kur do të mblidhen dy qeveritë.

Me Ramën s’i shkon mirë, Kurti sytë kah Maqedonia – mban mbledhje të përbashkët