Qorrsokaku A: Çka përmbante memorandumi me Prishtinën që u prish nga Hysen Durmishi?

Kështu ka bërë të ditur në një konferencë për media zëvendësministri i këtij dikasteri, Hysen Durmishi, i cili tha se deri tek ky vendim kanë ardhur për shkak se këto memorandume nuk kanë qenë të analizuara mirë, raporton Periskopi.

Por çfarë ishte nënshkruar mes Komunës së Prishtinës dhe Ministrisë së Infrastrukturës, asokohe e udhëhequr nga Arban Abrashi i LDK’së?

Ministria e Infrastrukturës dhe Komuna e Prishtinës kishin nënshkruar memorandum bashkëpunimi , lidhur me disa projekte infrastrukturore në kryeqytet.
në konferencën e përbashkët të tyre, ishin prezantuar disa nprojektet që do të finalizohen me këtë memorandum, e njëri ndër më të rëndësishmit ka qenë ndërtimi i rrugës A në Prishtinë, që do të kishte ndikim të madh në Lagjen e Spitalit dhe Mati1.

“Ka të bëjë me projekte që e lehtësojnë qarkullimin në Prishtinë. Hyrja në Grashticë për Hajvali. Ne do ta përkrahim financiarisht. Është nja marrëveshje me Asociacionin e Arkitektëve që do të na ndihmojë ne dhe komunën”, kishte deklaruar Abrashi.

Ndërsa kryetari i Komunës së Prishtinës, Shpend Ahmeti, pati thënë  se për herë të parë Prishtina po e merr vendin e merituar në buxhetin e nivelit qendror.

“Për herë të parë po nënshkruajnë një marrëveshje më të thelluar, sepse kemi nënshkruar edhe më herët, ku Prishtina e ka vendin e merituar në buxhetin e nivelit qendror. Kësaj radhe vërtet janë projekte që kanë rëndësi për Prishtinën dhe i kemi koordinuar bashkë të gjitha punët”, kishte deklaruar Ahmeti.

Ndërkohë nuk është vetëm Komuna e Prishtinës që ka nënshkruar memorandume bashkëpunimi me Ministrinë e Infrastrukturës.

Vetëm gjatë tre muajve të parë të këtij viti, sipas zëvendësministrit Durimishi janë nënshkruar memorandume me komunat në vlerë prej 18 milionë e 500 mijë euro.

Nuk dihet nëse pezullimi i këtij vendim është bërë në bashkëpunim me kryetarët e komunave në vend./Periskopi/