Rakiqi i Listës Serbe: Qeveria Kurti t’i ketë më shumë se 12 ministri, një na takon neve

Kryetari i Listës Serbe, Goran Rakiq, ka thënë se kanë kërkuar një ministri nga Albin Kurti, pasiqë i kanë 11 mandate.

“Kanë përmendur se nëse do të ketë një format tjetër qeveritar me më shumë ministri, Lista Serbe kërkon të ketë një post ministrot pasiqë Lista Serbe përfaqësohet nga 11 mandate”.

“Takimi ndërmjet neve dhe zotit Kurti që ka ftuar ai, kemi shpalosur qëndrimin tonë në drejtim të zotit Albin Kurti sa i përket përbërjes së Qeverisë.  Ajo që dihet është se pa Listën Serbe nuk mund të krijohet qeveri dhe këtë ia kemi shpalosur edhe zotit Kurti.  Është një detaj që është me rëndësi që të shpaloset për opinionin, shihni edhe vet nuk ka ende një marrëveshje mes përfaqësuesve politik, por është e qartë se do të ketë më shumë se 12 ministri dhe sipas Kushtetutës, ju e dini se Lista Serbe do të ketë 11 përfaqësues në Kuvendin e Kosovës dhe kjo do të thotë se në rast të përbërjeve të tilla, Lista Serbe duhet të ketë edhe një Ministri sic është paralajmëruar edhe më herët”, ka thënë Rakiq, percjell Periskopi.

Ndërkohë edhe deputeti nga Partia Liberale Egjiptiane, Veton Berisha, pas takimit me mandatarin për formimin e qeverisë, Albin Kurti tha se kanë kërkuar nga ky i fundit që të kenë ministrinë e 13-të.

Në këtë takim ku kanë marrë pjesë Hetem Arifi dhe Duda Balje, ai tha se deri tani tri komunitetet nuk kanë pasur përfaqësim.

“Kërkesa jonë ka qenë prej fillimit që të kemi një përfaqësim ku komunitetet kanë mundësi të jenë më aktive në vendimmarrje. Komuniteti egjiptas ka kërkuar nga fillimi që të ketë një fuqi më të madhe politike sidomos në qeverisje. Normalisht kërkesat tona ishin në tryezë, u bisedua gjatë për mundësinë e një bashkëpunimi, megjithatë ka mbetur që të kthehemi prapa dhe të bisedojmë me kryesitë tona dhe ditëve në vijim do të kemi një vendim se a do ta përkrahim, apo jo. Është një kërkesë legjitime që të ndryshojë meqenëse edhe votuesit kanë votuar për ndryshime. Edhe ne si komunitete në veçanti egjiptase, romë dhe ashkalinj, e dini që kemi qenë të pa përfaqësuar me ministri dhe ka qenë kërkesë shumë legjitime që kësaj radhe këto komunitete të drejtojnë mundësi dhe të ndryshojë opinioni per neve se ne jemi të zotë për të drejtuar ministri”, tha Berisha.