3 orë më parëRama padit Ministrinë e Financave: 35 milionë euro të bllokuara politikisht ndaj Prishtinës
Periskopi(9 muaj më parë)
(9 muaj më parë)Kryetari i Kryeqytetit, Përparim Rama, ka dorëzuar sot në Gjykatën Kushtetuese të Republikës së Kosovës një kërkesë kundër Ministrisë së Financave, për siç tha ai, cenimin e buxhetit të Komunës së Prishtinës, raporton Ekonomia Online. Pas dorëzimit të kërkesës, para objektit të Gjykatës Kushtetuese, Rama së bashku me nënkryetarin e Kryeqytetit, Shkëmb Manaj, mbajtën një […]
Kryetari i Kryeqytetit, Përparim Rama, ka dorëzuar sot në Gjykatën Kushtetuese të Republikës së Kosovës një kërkesë kundër Ministrisë së Financave, për siç tha ai, cenimin e buxhetit të Komunës së Prishtinës, raporton Ekonomia Online.
Pas dorëzimit të kërkesës, para objektit të Gjykatës Kushtetuese, Rama së bashku me nënkryetarin e Kryeqytetit, Shkëmb Manaj, mbajtën një konferencë për media.
“Siç jeni në dijeni, tash e nëntë muaj kjo ministri e ka bllokuar buxhetin për Komunën e Prishtinës. Në argumentin tonë, kjo përbën shkelje të rëndë të Kushtetutës së Kosovës, sepse cenohet buxheti por edhe jeta e qytetarëve. Kjo është bllokadë puro politike,” tha Manaj.
Rama theksoi se bëhet fjalë për 35 milionë euro, mjete që sipas tij i takojnë ligjërisht kryeqytetit.
“Fondet të cilat me ligj i takojnë Kryeqytetit janë të bllokuara tash e nëntë muaj. Në instanca të ndryshme kjo qeverisje ka bërë bllokada në nivele të ndryshme, prej unazës së qytetit ku janë bllokuar 82 milionë euro të cilat kanë qenë falas, por për çështje politike ky ministër e ka penguar procesin,” shtoi Rama./Periskopi/
