Rasti “Veteranët”, Lushtaku flet pasi u lirua nga akuza: E kam ditë që jam i drejtë, s’kanë pas asnjë bazë

Gjykata Themelore në Prishtinë në rigjykim i ka shpallur fajtorë dhe i ka dënuar me nga një vit burgim ish-kryeministrin Agim Çeku dhe 9 të akuzuarit: Rrustem Berisha, Shkumbin Demalijaj, Sadik Halitjaha, Qelë Gashi, Shukri Buja, Ahmet Daku, Faik Fazliu, Fadil Shurdhaj dhe Xhavit Jashari, në rastin “Veteranët”. Kurse, u liruan nga akuza Nuredin Lushtaku dhe Smajl Elezaj.

Nuredin Lushtaku i cili u lirua nga akuza tha për Periskopin se vendimin e gjykatës e sheh si të drejtë.

“Mundem me falënderu gjykatën për mua se e ka marr vendimin e drejtë si herën e parë por edhe herën e dytë. E kam ditë vetën që jam i drejtë, cili ka qenë qëllimi i prokurorit ose i kujt ka qenë që me majt këtë aktgjykim deri tash, unë nuk e di”, u shpreh ai.

Lushtaku shtoi se prokurori i rastit nuk ka pasur asnjë bazë për ta akuzuar për keqpërdorim të detyrës zyrtare.

”Nuk ka pas asnjë bazë se s’kam qenë asnjëherë anëtar i komisionit, por vetëm kam qëlluar si asistent aty”.

Ai shtoi se do të konsultohet me avokatin e tij për procedurat e mëtejme.

Mbetet me pa do të konsultohem me avokatin tim, dhe nëse kam ndonjë të drejtë ligjore sigurisht se do ta shfrytëzoj”, tha Lushtaku./PERISKOPI/ ZANA RUGOVA/

Rasti ‘Veteranët”, Demaliaj flet pasi u dënua me 1 vit burgim: Vendim politik prej qeverisë së tanishme, do të ankohem

Rasti ‘Veteranët’: Merret vendimi për Agim Çekun dhe të tjerët