Rrëzohet avioni me pasagjerë ukrainas në Iran

Një Boeing-737 ukrainas me më shumë se 170 njerëz në bord është përplasur në Iran, sipas mediave lokale.

Ekipet emergjente të Iranit tha se nuk ka asnjë shans për të gjetur të mbijetuar.

Avioni që i përkiste Kompanisë Ndërkombëtare të Aviacionit të Ukrainës u rrëzua menjëherë pas ngritjes nga aeroporti iranian “Imam Khomeini” në Teheran, tha agjensia e lajmeve shtetërore Fars, shkruan BBC, transmeton Periskopi.

Raportet paraprake sugjerojnë se avioni ishte në rrugë drejt kryeqytetit ukrainas të Kyiv.

Është e paqartë nëse incidenti është i lidhur me konfrontimin Iran-SHBA.

Ekipet e shpëtimit janë dërguar në zonë, afër aeroportit, ku u rrëzua avioni. Kreu i Gjysmëhënës së Kuqe të Iranit u tha mediave shtetërore se ishte “e pamundur” që dikush të mbijetonte nga rrëzimi./Periskopi/