3 minuta më parëSeancat e 5-6 marsit mund të dështojnë, PAN’istët kundërshtojnë mbajtjen e tyre në data historike
Periskopi(7 vite më parë)
(7 vite më parë)Kryesia e Kuvendit të Kosovës sot ka marrë vendim që me kërkesë të partive opozitare, më 5 dhe 6 mars të mbahen dy seanca të jashtëzakonshme. Deputetët opozitarë duan që në Kuvend të flasin për shpenzimet e kremtimit të 11 vjetorit të pavarësisë dhe për funksionalizimin e KQZ’së. Por reagim të ashpër kanë shprehur koalicioni […]
Por reagim të ashpër kanë shprehur koalicioni qeveritar. Nga PDK AAK dhe Nisma thonë se 5 dhe 6 marsi janë ditët historike të Kosovës dhe përkujtimi për epopenë e UÇK’së. Në vend të seancave të jashtëzakonshme, ata kërkojnë seancë solemne për këtë shkak.
Deputeti i AAK’së, Ahmet Isufi për Periskopin ka thënë se këto kërkesa janë krejt të pakuptimta. Sipas tij, opozita po e vazhdon një politikë të ulët duke mos respektuar as datat e rëndësishme.
‘’Ato janë seanca kretësisht të pakuptimta. Kur kemi parasysh që janë ditët historike të Epopesë së Jasharajve dhe vërtetë këtu shihet një politikë e ulët e cila po vazhdon në Kosovë, duke mos respektuar as datat më të rëndësishme të së kaluarës sonë’’, ka thënë Isufi.
Ahmet Isufi nuk ka treguar nëse deputetët e AAK’së do të shkojnë në këto seanca, megjithatë thotë se ata do të jenë në nderime të familjes Jasharaj dhe epopesë së lavdishme.
‘’Ne nuk jemi konsultuar por besoj që deputetët e Aleancës do të jenë në nderime të familjes Jasharaj dhe kësaj epopeje të lavdishme’’’, ka përfunduar Isufi.
Në anën tjetët, deputetja e PDK’së Ganimete Musliu e ka quajtur të turpshme caktimin e seancave po në këto data. Sipas saj, duhet të bojkotohen.
‘’Turpi s’paska fund!!! 5.6 dhe 7 Marsi duhet te jete feste kombetare e morale per vendin dhe popullin tone, feste e cila bashkon shqiptaret, feste qe na bene te reflektojme per punen tone te perditshme, feste qe na orjenton si popull e si shtet. Ne vend qe te organizohet seance solemne ne keto data per te nderuar sakrificen dhe trimerine e Komandantit Legjendar Adem Jashari dhe te familjes se tije opozita e paska zgjedhur te mbaje seance pikerisht kete dite per te qeruar hesape politike me Qeverine e vendit. Sikur nuk paskan mbete dite tjera ne kalendar per pune te tilla. Kjo seance definitivisht duhet te bojkotohet’’, ka thënë Musliu.
Njëzëri është shprehur edhe deputeti i Nismës Social Demokrate, Milaim Zeka.
‘’Nuk po di çfare hajvanati jemi per me caktu seance te jashtezakonshme me 5 dhe 6 mars, kur dihet qe jane netete e Epopese te lavdishme te Jasharajeve dhe UÇK se. Krejte kemi rreshqite’’, ka theksuar Zeka.
Deputetja e Partia Socialdemokrate, Shqipe Pantina, pas mbledhjes së kryesisë së Kuvendit ka njoftuar se më 5 dhe 6 mars, do të mbahen seancat e jashtëzakonshme me dy kërkesat e opozitës.
“Qeveria duhet të japë llogari se si i ka shpenzuar mjetet. Propozuesit kanë propozuar që grupet parlamentare të hartojnë një rezolutë. Për keqpërdorime të tilla dikush të jap përgjegjësi, po ashtu edhe dorëheqje. Kërkesa e dytë është funksionalizi i KQZ-së, për emërimin e anëtarëve të KQZ-së, është përgjegjësi e presidentit. Kërkesa e jonë është që të thirren seanca të rregullta çdo të enjte, e jo më shumë se 10 pika. Ne kemi 60 pika të rendit të ditës që kanë mbetur nga seancat e mëhershme”, ka thënë ajo./PERISKOPI/
