Serwer: Do të doja ta shihja Kurtin në SHBA, por nevojiten negociata e kushte për të ndodhur

Periskopi.com Lajme

Albin Kurti vazhdon të kritikohet e të mos shihet mirë për mos zhvillimin e asnjë vizite të vetme në Amerikë deri tash, ndonëse janë bërë më shumë se 1 vit që nga marrja e  mandatit si kryeministër i Kosovës. Analisti amerikan, njëherit njohës i mirë i situatës në Ballkan, Daniel Serwer përmes një interviste për Periskopin ka folur edhe për këtë temë…

Profesori Serwer shpreh dëshirën që ta shohë sërish Kurtin në SHBA, ndonëse sipas tij, për një vizitë të tillë lypsen disa kushte paraprakisht.

‘‘Në  pyetjen rreth vizitës për në Shtetet e Bashkuara, ju duhet ta pyesni Kryeministrin dhe amerikanët. Unë jam i kënaqur ta rikujtoj se Albini ka folur këtu në John Hopkins, ku unë jam profesor, shumë vite më parë, njëjtë si Presidenti Vuçiq. Unë do të dëshiroja ta shoh Kryeministrin Kurti përsëri në ShBA, por për vizita të tilla zakonisht nevojiten negociata dhe kushte para se ato të ndodhin’’, është përgjigja e Serwer për Periskopin.

Kujtojmë që Kurti ka paralajmëruar që vizitën e shumëpritur në Amerikë ta zhvillojë në muajin maj të këtij viti.

Intervistën e plotë të Serwer për Periskopin mund ta lexoni KËTU.