2 orë më parëShkarkimi i shefit të AKI-së e zë gafil AAK-në: Daut Haradinaj e pranon që s’e di çka po ndodh
Periskopi(6 vite më parë)
(6 vite më parë)Kryeministri i vendit Avdullah Hoti ka njoftuar se sot ka kërkuar nga shefi i AKI-së, Kreshnik Gashi që të liroj detyrën e tij. Në njoftimin e zyrës së kryeministrit nuk janë dhënë detaje shtesë për këtë çështje. E për këtë gjë duket se është zënë në befasi AAK-ja, partneri i koalicionit qeveritar me LDK-në dhe […]
Në njoftimin e zyrës së kryeministrit nuk janë dhënë detaje shtesë për këtë çështje.
E për këtë gjë duket se është zënë në befasi AAK-ja, partneri i koalicionit qeveritar me LDK-në dhe Nisman.
Daut Haradinaj, shef i Grupit Parlamentar të kësaj partie, ka thënë që nuk ka asnjë informacion për rastin – duke lënë të nënkuptohej se Hoti nuk është konsultuar me këtë parti.
“S’kom ende ndonjë info”, ka thënë Haradinaj në përgjigjen e shkurtër..
Kujtojmë se së fundi Kreshnik Gashi, ishte ftuar nga Komisioni për mbikëqyrjen e AKI-së të raportojë në lidhje me raportimet se inspektorë të AKI-së kanë tentuar të marrin disa dokumente konfidenciale nga kasaforta e Presidencës së Kosovës, vetëm një ditë pas arrestimit të Presidentit Thaçi.
Profili i Kreshnik Gashi
Më 25 nëntor të vitit 2019, Kreshnik Gashi ishte emëruar në postin e drejtorit të Agjencisë së Kosovës për Inteligjencë përmes një bashkëpunimi ndërmjet atëherë kryeministrit në detyrë, Ramush Haradinaj dhe ish-presidentit Hashim Thaçi, kur Albin Kurti po priste të bëhej kryeministër, pasi partia e tij kishte dalur e para në zgjedhjet e 6 tetorit.
Emërimi i Gashit në krye të inteligjencës së shtetit kishte ardhur pak ditë pasi Ramush Haradinaj kishte pranuar dorëheqjen e Shpend Maxhunit nga pozita e njëjtë. Haradinaj kishte pohuar se Maxhuni ka dhënë dorëheqje për arsye shëndetësore.
Haradinaj ishte kritikuar për këtë vendim, i cili ishte marrë pak pas zgjedhjeve të 6 tetorit dhe ishte një nga vendimet e tij të fundit të tij si kryeministër.
