Sjellje e ulët e Sveçlës: Gazetarja e Periskopit e pyet për punësimin e motrës së vet, ai ia kthen: Mos flisni budallallëqe
Ministri i Punëve të Brendshme, Xhelal Sveçla, sot bashkë me drejtorin e Policisë, Samedin Mehmeti kanë mbajtur konferencë për media lidhur me katër sulmet terroriste, siç i quajnë ata ndaj Policisë së Kosovës, në katër ditët e fundit.
Pas përfundimit të deklaratave të tyre për çështjen në fjalë, gazetarja e Periskopit e cila ishte prezente në përcjelljen e konferencës ia ka shtruar një pyetje ministër Sveçlës, mirëpo ky i fundit ia ktheu me arrogancë e shumë ulët, pa dhënë ndonjë përgjigje.
‘’Zotëri Sveçla, , para 10 ditësh u raportua në media për punësimin e motrës suaj në Ministri të Bujqësisë. Përpos kësaj, shumë shpesh ka raportime për punesime familjare nga pushteti aktual. Pse nuk po e lufton Qeveria Kurti nepotizmin, gje për cka keni qenë mjaft kritikues si opozitë?’’
”Ne jemi këtu duke folur për sulme terroriste, e ju flisni për budallallëqe’’, ishte përgjigja e Sveçlës.
Gazetarja ia ka kthyer se s’mund të quhet budallallëk pyetja që e parashtroi.
“Nuk mund të quhet budallallëk kjo pyete kur ju dhe partia juaj keni qenë zëri më kritik në opozitë për punësimet familjare”./PERISKOPI/
