SKANDAL: Njeriu që këshillon kryeministrin Kurti sulmon presidentin Thaçi me “babë”, “nanë” dhe “shtresë sociale”
Këshilltari politik i kryeministrit në detyrë, Albin Kurtit, ka bërë një sulm të ashpër ndaj presidentit Thaçi duke reaguar pas një statusi të filozofit Blerim Latifi në profilin e tij në Facebook.
Duke u munduar të problematizonte pasurinë e presidentit Thaçi, ish deputeti Tali ka sulmuar edhe origjinën e presidentit nga shtresa sociale përkatëse.
“Hashimi rrjedh prej nji familje t’madhe (gjashtë vllazën e tri motra), t’shtresës së “ultë fshatare”” – ka shkruar ai, përcjell Periskopi.
Në fakt, shumica e qytetarëve të Republikës së Kosovës gjatë periudhës së komunizmit jugosllav ishin pjesë e po kësaj shtrese të varfër e fshatare, që ishte më e shtypura në atë sistem.
Por, Tali nuk ndalet me kaq dhe e sulmon presidentin edhe për babain e tij, i cili thotë t’i ketë punuar si “polar” ndërsa edhe për nënën që i thotë se e ka pasur thjesht amvise.
Nuk kuptohet pse këshilltari Tali i demonizon këto profesione në fjalë, kur dihet se shumica e grave në Kosovë janë amvise.
Për më tepër, Vetëvendosje ishte zotuar më herët se do të mbronte pikërisht qytetarët e kësaj shtrese të shtypur në vend – duke qenë parti e majtë.
