37 minuta më parëSkandal: Qeveria propozon kandidatë për Bord të OSHP-së njerëz që nuk aplikuan fare në konkurs
Periskopi(4 vite më parë)
(4 vite më parë)Qeveria e Kosovës ia ka propozuar Kuvendit të Kosovës listën me 10-të emra për kandidatë dhe anëtarë bordi të bordit të Organit Shqyrtues të Prokurimit. Kryeministri Albin Kurti në mbledhjen e Qeverisë, ka thënë se komisioni i caktuar për përzgjedhjen e kandidatëve ka shfaqur pakënaqësi me aplikimet për shkak të mungesës së përvojës dhe të […]
Kryeministri Albin Kurti në mbledhjen e Qeverisë, ka thënë se komisioni i caktuar për përzgjedhjen e kandidatëve ka shfaqur pakënaqësi me aplikimet për shkak të mungesës së përvojës dhe të profesionalizmit, shkruan Periskopi.com.
Emrat që i kanë shkuar Kuvendit për bord të OSHP-së janë: Nita Bejta, Milot Spahiu, Arbnor Tmava, Vedat Petërqoj, Faruk Rexha, Bujar Lushaku, Batisha Ibrahimi, Dafina Gashi, Vjosa Gradina-Mexhuani dhe Kimete Gashi.
Periskopi ka mësuar se, anëtarët e propozuar, Arbnor Tmava dhe Nita Bejta dhe Milot Spahiu nuk i janë nënshtruar garës së rregullt, sipas aftave kohorë të konkursit.
Nuk dihet se nga kanë “mbirë” këta emra.
Para pak ditëve mediat kanë publikuar emrat e 25 kandidatëve të cilët i janë nënshtruar selektrimit të dokumentacionit nga komisioni.
Emrat që kanë garuar për anëtar të Bordit, listë të cilën e ka publikuar qeveria për media kanë qenë:
Në konkursin për kryetar dhe katër anëtarë të Organit Shqyrtues të Prokurimit (OSHP), i cili ka qenë i hapur nga 10 deri më 24 dhjetor 2021, kanë aplikuar gjithsej 25 kandidatë.
Qeveria e Republikës së Kosovës me Vendimin Nr.03/54 të datës 12.01.2022 e ka emëruar Komisionin përzgjedhës i cili me datën 14.01.2022 ka mbajtur takimin për shqyrtimin e CV të kandidatëve që kanë aplikuar. /PERISKOPI/
