10 minuta më parëSkandali me mishin brazilian: Reagon kompania “Apetit sh.p.k”, i quan të pavërteta lajmet në media
Periskopi(2 vite më parë)
(2 vite më parë)Dje gjatë ditës është raportuar për një skandal ky dyshohet se kompania e mishit në Kosovë “Apetit shp.p.k” po importon mish nga Brazili dhe po e shet në Shqipëri sikur të ishte prodhim i Kosovës”. Dje pronari i kompanisë në një deklaratë për Periskopin mohoi raportinet se kompania e tyre është e përfshirë në këtë […]
Dje gjatë ditës është raportuar për një skandal ky dyshohet se kompania e mishit në Kosovë “Apetit shp.p.k” po importon mish nga Brazili dhe po e shet në Shqipëri sikur të ishte prodhim i Kosovës”. Dje pronari i kompanisë në një deklaratë për Periskopin mohoi raportinet se kompania e tyre është e përfshirë në këtë skandal. Ndërsa sot “Apetit sh.p.k” dolën me një komunikatë për medie, shkruan Periskopi.
Kompania e mishit përmes komunikatës i ka quajtur “të pavërteta dhe tendencioze” raportimet për skandalin me mishin brazilian. Ndërsa sa i përket raportimit të mediave shqiptare thonë se janë dakorduar që të eksportojnë rreth një ton mish viçi, prodhim i thertores së tyre.
“Pas publikimit dhe shpërndarjes ditën e djeshme të disa lajmeve krejtësisht të pavërteta dhe tendencioze, Apetit Shpk ndihet e detyruar të adresojë në mënyrë të menjëhershme pasaktësitë dhe të japë qartësi për këtë çështje për të parandaluar dezinformatat në publik.
Në rastin e publikuar nga një media shqiptare, të dërguar në mënyrë tendencioze, ne jemi dakorduar që të eksportojmë rreth një ton mish viçi, prodhim i thertores tonë. Megjithatë, në videon e publikuar, me qëllim dekurajimin e depërtimit tonë në tregun shqiptar duke krijuar një imazh të pavërtetë tek publiku, ata kanë publikuar një video ku diskutohet për dy artikuj të ndryshëm, ndër ta edhe biftekun e importuar nga Amerika e Jugut të cilin ne e ofrojmë në treg me kushte të tjera.
Ndryshe nga këto publikime të fundit, Apetit Shpk mohon kategorikisht çdo pretendim për sjellje të pahijshme ose keqpërdorim në operacionet tona. Ne sigurojmë klientët tanë, palët e interesuara dhe publikun e gjerë që proceset tona i përmbahen standardeve më të larta të cilësisë, sigurisë dhe transparencës. Objektet dhe procedurat tona i nënshtrohen mbikëqyrjes dhe inspektimit rigoroz nga autoritetet përkatëse shtetërore, duke përfshirë AVUK, Doganat dhe ATK”, thuhet në reagim.
Kujtojmë se dje Agjencia e Ushqimit dhe Veterinarisë ka urdhëruar ndaljen e menjëhershme të lëshimit të dokumenteve për eksport për biznesin “Apetit sh.p.k”.
“Është formuar komisioni profesional i cili do të bëjë auditimin (gjurmushmërin/përputhshmërinë) e të gjitha hyrje daljeve të biznesit për të vërtetuar dyshimin e ngritur. Po ashtu janë informuar edhe autoritete tjera qe merren me taksat (doganat, ATK)”, ka thënë zëdhënësi i AUVK-së, Lamir Thaçi, në një përgjigje për Periksopin.
E ministri i Bujqësisë, Faton Peci në një deklaratë eksluzive për Periskopin ka thënë se Inspektori i AUV-it, Qenan Maxhuni, tashmë është në komision disiplinor përderisa ka paralajmëruar masa të rrepta ndaj kompanisë “Apetit Group” nëse vërtetohet se ka bërë një gjë të tillë.
“Para një ore u njoftova për rastin. Momentalisht jemi duke marrë të gjitha veprimet se cila është e vërteta pa paragjykuar rezultatet finale. Inspektori i cili përmendet në këtë proces momentalisht është në komision disiplinor dhe kompania në rast se vërtetohet se ka bërë një gjë të tillë, do të bart pasojat penale, deklaroi ministri Peci për Periskopin.
Në fund, Peci tha se janë në komunikim të vazhdueshëm me Doganën e Kosovës dhe Administratën Tatimore për rastin në fjalë.
