Skandaloze: Trajtimi i tmerrshëm që iu bëhet të dyshuarve për Koronavirus në Infektivë (Video)

Qytetari në fjalë dyshohej se ishte infektuar me Koronavirusin e ri Covid-19 dhe ndodhej për testime në Infektivën e Prishtinës. Por, del se trajtimi i tij nga stafi, dhe kushtet e atyshme ishin absolutisht të tmerrshme – për dallim nga fjalët e autoriteteve tona.

Qytetari pretendon se mjekët i kanë vonuar ushqim – i cili edhe ashtu ishte i papastër – ndërkohë që nuk i kanë ofruar as ujë – duke i kërkuar që të furnizohej nga çeshmja, edhe pse ai rrezikonte të infektonte dhomën e karantinës ose të infektohej nga vetë dhoma.

Më tej, edhe në video ai tregon për papastërtitë që mund të dukeshin në dhomë, ndërkohë që tregon se dhoma nuk ka as ventilim. Po ashtu, ai tregon se si as kushtet higjienike elementare në Infektivë mungojnë, duke mos pasur as letra për duar, por me guacën në një gjendje krejtësisht të papërdorshme për shkak të papastërtisë.

Me videon e tij, ai na shfaq edhe papastërtitë e tjera të dhomës, çarçafët e pandërruar e të pasterilizuar dhe gjëra tjera të tmerrshme që mund t’i shihni në videon e mëposhtme.

Një gjendje e tillë është e papranueshme për Kosovën, e cila edhe ashtu ka pak raste të të dyshuarve dhe prekurve me koronavirus.