SPAK merr në pyetje Veliajn, i komunikohet që është në hetim për një tjetër akuzë

Për gati 1 orë e 30 minuta në prani të avokatit të tij kryetari i bashkisë ka dhënë qëndrimin e tij bëjnë me dije burimet. Të njëjtat burime pohuan se Erjon Veliaj është vënë në dijeni se përveç korrupsionit në nëntë raste dhe pastrimit të parave, po hetohet edhe për një vepër tjetër atë të futjes së sendeve të ndaluara në paraburgim, transmeton Periskopi.

Dyshimet e prokurorëve Ols Dado dhe Altin Dumani janë që kryebashkiaku ka folur përmes telefonit të një oficeri të burgut të Durrësit edhe ai nën verifikim.

Komunikimi i kësaj vepre u krye gjatë marrjes në pyetje të Veliajt.

Apeli nuk e ka zbardhur ende vendimin në të cilin aprovoi arrestin në burg jo vetëm për shkak të rrezikshmërisë së veprave për të cilat po hetohet kryebashkiaku por edhe për përpjekjet gjatë paraburgosjes për të ndikuar në procesin hetimor. Një ditë më parë në SPAK ishte edhe biznesmeni Elman Abule, për të cilin gjykata e apelit e zbuti masën duke e dërguar nga burgu në arrest shtëpie.