Stafi i Vjosa Osmanit: Agim Veliu – je seksist, bullist, i neveritshëm, shkarkim të menjëhershëm

Ajo është treguar e ashpër me fjalë, duke e quajtur Veliun të paskrupullt dhe seksist.

“Agim Veliu, je turp për shoqërinë tonë! Je i neveritshëm! Je seksist! Je i paskrupullt! Jemi të vetëdijshëm që këto janë momentet e fundit të ekzistencës tënde në skenën e politikës, por të lakmosh protagonizmin politik duke aplikuar bullizëm, sekzisëm e mizogjini është tërësisht e pafalshme, e patolerushme, e papranueshme. Është e neveritshme”, ka shkruar ajo në Facebook.

Ajo madje ka kërkuar që Veliu të shkarkohet menjëherë nga detyra e ministrit për deklaratën ndaj Osmanit.

“Më e pakta që duhet të ndodhë tani është shkarkimi yt i menjëhershëm, e përgjigjen proporcionale me aktin tënd të fundit do të ta japin qytetarët shumë shpejt. Ti nuk mund të jesh në krye të institucioneve tona, ti s’mund të jesh as përfaqësim i askujt në këtë shoqëri, sepse ti je sinonim i gjithçkaje nga e cila ne duhet të distancohemi përfundimisht.Ditët i ke të numëruara”, ka shkruar Vitia.

Ministri i Brendshëm,  Agim Veliu sot gjatë ditës tha se edhe po të largohet e gjithë Kryesia e LDK-së, nuk e beson se do ta zinte Osmanin aty.

“Unë e di që ajo është tepër e madhe dhe i duhet hapësirë shumë, a po kupton çfarë, qysh konteksti po e them. Unë e di që ajo është tepër e madhe, e gjanë (e gjerë) edhe i duhet hapësirë shumë, po nuk e paskna ditë që duhet komplet një Kryesi me ja lëshu vendin edhe nuk e di a e nxenë”, ka thënë Veliu për Periskopin.

Agim Veliu deklaratë të papërshtatshme për Vjosa Osmanin: Krejt kryesia me ia lëshu vendin, edhe s’di a e nxen