“Koha ka mbaruar, fitorja do të jetë e jona”, vazhdojnë protestat masive të studentëve në Serbi – policia përdor gaz lotsjellës

Sipas një vlerësimi zyrtar të publikuar nga Ministria e Brendshme Serbe, pas orës 18:00 në sheshin Slavija kishte rreth 36,000 njerëz. Organizatorët pretendojnë se erdhën gjysmë milioni njerëz. Dhjetëra oficerë policie u vendosën rreth ndërtesave qeveritare.

“Popull i Serbisë, koha ka mbaruar – por jo për ne. Që nga ky moment e tutje, kjo nuk është më një protestë studentore. Ne mbetemi këtu si qytetarë. Këta njerëz nuk planifikojnë të tërhiqen. Ata njoftuan fundin për 20 janar, pastaj për 15 mars, pastaj për Vidovdan. Ne të gjithë do të ngrihemi, të gjithë do të fitojmë. Lista e studentëve do të jetë zëri i të gjithë qytetarëve. Ne do t’i kontrollojmë zgjedhjet si kurrë më parë. Fitorja do të jetë e jona. Kur të na shihni në rrugë, dijeni se po punojmë shumë dhe po përgatitemi për zgjedhjet. Nuk do t’ju themi çfarë të bëni. Populli duhet të zgjedhë. Të udhëhequr nga ndërgjegjja e tyre, merrni lirinë tuaj në duart tuaja. Ne besojmë tek ju”, thanë studentët.

Në përfundim të protestës situata u tensionua. Policia hodhi  gaz lotsjellës në rrugën Kneza Millosh pranë ndërtesës së Shtabit të Përgjithshëm, raporton N1.

Disa nga turma hodhën gurë, shishe dhe objekte të tjera drejt policisë. Pati edhe përleshje mes disa protestuesve dhe policisë./Periskopi/