Surroi nxit luftën për pushtet në luftën kundër Koronavirusit: Të refuzohet propozimi për Gjendje të Jashtëzakonshme

Por natyrisht, mbështetja e tij është militanteske dhe nuk ofron asnjë argument shtesë mbi çështjet në fjalë. Ai thotë se “Kushtetuta e Kosovës nuk sjell aftësim për ndonjë masë plotësuese për parandalimin e Covid-19” – por pa u lodhur të shpjegojë mendimin e tij.

Ai ka lënë të kuptohet se edhe për çështjen e Koronavirusit mund të ketë një luftë për pushtet pasi përmes Gjendjes së Jashtëzakonshme, presidenti merr kryesimin e luftës kundër Koronavirusit, përcjell Periskopi.

Surroi edhe ashtu siç pritej deklaroi se propozimi i presidentit duhet të refuzohet plotësisht.

Por, çka nëse situata përkeqësohet deri në atë masë sa Gjendja e Jashtëzakonshme do të bëhej domosdoshmëri? Kjo do të rrezikonte në mënyrë direkte jetën e shumë qytetarëve të Kosovës nga kjo luftë e pakuptimtë politike. Për më tepër, nuk kuptohet se çka përfiton presidenti apo kryeministri nga protagonizmi i tillë.

MBI GJENDJEN E JASHTËZAKONSHME

Shpallja e gjendjes së jashtëzakonshme, sipas Kushtetutës së Kosovës, vetvetiu nuk sjell aftësim për ndonjë masë plotësuese për parandalimin e COVID-19. Qeveria e Kosovës sot ka në dispozicion autorizime të mjaftueshme për të zbatuar masa plotësuese për parandalimin e COVID-it .
Në praktikë , ndryshimi i vetëm thelbësor është se Këshilli i Sigurisë i Republikës së Kosovës kryesohet nga Kryeministri me mbështetje nga Qeveria, përveç gjatë periudhës së Gjendjes së Jashtëzakonshme, kur kryesohet nga Presidenti. Pra, ato masa që është në gjendje t’i bëjë vet Qeveria do të duhej t’i nënshtroheshin kryesimit të Presidentit.
Kuvendit i kërkohen dy të tretat e votave për këtë manovër politike.
Propozimi duhet të refuzohet plotësisht. Nuk është kohë loje e protagonizmash.