Sveçla: Një grup terrorist 4 herë ka sulmuar Policinë e Kosovës me iriqë, plumba e gurë ditëve të fundit në veri

Ministri i Punëve të Brendshme, Xhelel Sveçla ka njoftuar se në katër ditët e fundit kanë ndodhur katër sulme ndaj Policisë së Kosovës në veri, raporton Periskopi.

‘’Grupe të ndryshme në katër ditë të fudnit kanë realizuar 4 sulme në atë zonë. Tentim  sulmi i parë ka ndodhur duke vendosur iriqa metalikë, në kohën e njëëtë me sulmin e sotëm me qëllim që të pamundësojnë punën e policisë së Kosovës dhe të rrezikojnë drejtpërdrejtn e policisë së Kosovës. Sulmi i dytë ka ndodhur me gjuajtje me gurë në veturën e policisë së Kosovës ka ndodh mbrëmë. Është gjuajtur me armë zjarri. Dhe sot drejtpërdejt janë goditur dy veturat të cilat transportonin zyrtarët policorë për në pikat kufitare. Ky është një ndërrim i rregullt i Policsië së Kosovës që ka ndodh në orën 8. Dhe dy nga ato ato 4 sulme kanë ndodh në atë kohë. Po shihet se angazhimi serioz i institucioneve të Kosovës, që të vendos rend dhe ligj në cdo cep të Kosovës është bërë pengesë për Serbinë, për grupet e caktuara që mbështeten drejtpërdrejt nga Serbia dhe u prish planet gjithë atyre që Kosovën e kanë parë si çerdhe të krimit të tyre.’’/PERISKOPI/