Sveçla tha se ‘ka kaluar koha kur ofendoheshin policia, por Albin Kurti dikur i quante ‘majmunë’

Pas arrestimit të veteranit të UÇK’së, Faik Fazliu, nga Policia e Kosovës, ka pasur reagime nga ministri i Punëve të Brendshme, Xhelaal Sveçla, i cili ka shkruar se ka mbaruar koha kur zyrtarët policorë fyhen e sulmohen gjatë ushtrimit të detyrës nga siç i ka quajtur ai “të fortët”.

Sveçla përmes një postimi në Facebook ka thënë se ka mbaruar koha kur zyrtarët policorë fyhen e sulmohen gjatë ushtrimit të detyrës nga siç i ka quajtur ai “të fortët”.

“Përgjigje e shpejtë dhe konform ligjit për të gjithë personat që tentojnë “t’i kryejnë punët privatisht me policët tanë”. Stop sjelljeve banditeske. Askush mbi ligjin”, ka shkruar Sveçla.

Por jo shumë kohë më parë, jo vetëm Xhelal Sveçla por edhe shefi i tij, kryeministri Albin Kurti, gjatë protestave të dhunshme që organizonin partia e tyre Lëvizja Vetëvendosje, kur këta ishin në opozitë, i sulmonin me gurë dhe fjalë të rënda e fyese Policinë e Kosovës.

Në videon më poshtë, mund të dëgjoni se si Albin Kurti e quante komandantin e policisë ‘majmun’ dhe i bërtiste ‘ikë’.

Kurti i fyente Policinë e Kosovës duke i quajtur majmunë, e duke i akuzuar për poshtërim të tyre në veri të Ibrit.

Sveçla për arrestimin e Fazliut: Ka mbaruar koha kur zyrtarët policorë fyhen e sulmohen