‘Ta keni të qartë’: Presidente Osmani nuk i duron kritikët

Presidentja e Republikës së Kosovës Vjosa Osmani, ka reaguar më një shkrim nëpërmjet rrjeteve sociale sa i përket kritikave që nuk i solli asnjë sukses ndërkombtar Kosovës, gjë e cila u potencua dje nga kritikë të saj në rrjetet sociale, pas publikimit të shpenzimeve të Presidencë.

Osmani nuk ka kursyer edhe ofendime në këtë shkrim, ku ndër të tjerash ua ka bërë me dije kritikuesëve ( të cilën kanë të drejtë të shprehen) se ata nuk janë standardi me të cilin presidenca e matë veten.

“Ta keni të qartë, ju nuk jeni standardi me të cilin ne e masim veten. Jeni shembull i modelit që nuk duhet ndjekur”, ka shkruar Osmani në Facebook.

Ndërkohë, ‘ia bëjmë të qartë’ Presidentës që kritikën nuk mund ta ndalë.

Ky është shkrimi i saj i plotë:

Keqpërdoruesit recidivistë të pushtetit, paskan tentuar dje të ndërtojnë narrativën se shpenzimet shumëfish më të vogla të kabinetit tim qenkan për shkak të “izolimit ndërkombëtar”. Përderisa për këdo që pa paragjykime ka përcjellur aktivitetin tim për promovimin ndërkombëtar të shtetit tonë nuk kam nevojë ta jap këtë spjegim, dua t’i them keqpërdoruesve recidivistë që e vetmja gjë që kam izoluar është dëmi i madh ndaj vendit për të cilin duhet t’u “falënderohemi” pushteteve paraprake.

Idetë për ndarje e defunksionalizim të Kosovës promovoheshin me para të taksapaguesve, ndërkaq sot në vend se të skuqen për gjithë dëmin e shkaktuar, dalin e ankohen pse Presidentja e sotme nuk po vepron sikur pushtetarët paraprak.

Ta keni të qartë, ju nuk jeni standardi me të cilin ne e masim veten. Jeni shembull i modelit që nuk duhet ndjekur.

Kujdesi ndaj parasë publike dhe transparenca e plotë janë rruga e vetme përpara. E vërteta është se në vitin 2021, ne kemi realizuar më shumë aktivitete ndërkombëtare se sa në periudhat paraprake (pa pandemi), ndërkaq kemi shpenzuar shumëfish më pak. Se sa të “izoluar”, kemi qenë këtë vit, tregon pamja më poshtë: