9 minuta më parëTentativa e 8-të nesër: Albulena Haxhiu “mollë sherri” për bllokimin e krijimit të institucioneve
Periskopi(një vit më parë)
(një vit më parë)Emri i deputetës së Vetëvendosjes, Albulena Haxhiu është bërë “mollë sherri” që institucionet e vendit të mos krijohen ende dhe Kosova rrezikon të humbasë miliona euro nga Plani i Rritjes së BE-së. Kështu, nesër do të jetë tentativa e tetë që të hidhet në votim emri i kandidatit për kryeparlamentar, të cilin Vetëvendosjes ka thënë […]
Emri i deputetës së Vetëvendosjes, Albulena Haxhiu është bërë “mollë sherri” që institucionet e vendit të mos krijohen ende dhe Kosova rrezikon të humbasë miliona euro nga Plani i Rritjes së BE-së. Kështu, nesër do të jetë tentativa e tetë që të hidhet në votim emri i kandidatit për kryeparlamentar, të cilin Vetëvendosjes ka thënë se nuk na ndryshojnë dhe mbetët i njejti, shkruan Periskopi.
Kuvendi i Kosovës ka lëshuar një komunikatë zyrtare në të cilën konfirmohet se nesër në ora 10 mbahet seanca e radhës konstituive.
Kujtojmë se as nga partitë e tjera, PDK, LDK e AAAK nuk ka ndryshuar qëndrimi.
Ndërkohë, sa i përket partisë fituese, në këtë rast Lëvizjes Vetëvendosje, nuk ka asnjë emër tjetër për këtë pozitë.
“Propozimi për Haxhiun si kryetare të Kuvendit nuk ndryshon”, tha ministri në detyrë i Financave, Hekuran Murati më 25 prill.
Njësoj janë deklaruar edhe deputetë të tjerë të VV-së të cilët vazhdimisht po fajësojnë ish-partitë opozitare për bllokim të konstituimit të Kuvendit.
Rreth situatës aktuale politike në vend, kryeministri i dorëhequr i Kosovës, Albin Kurti nuk ka komentuar asnjëherë – madje injorimi i tij ndaj gazetarëve të cilët vazhdimisht raportojnë nga Kuvendi, ka vazhduar që nga seanca e parë konstituive.
