2 orë më parëTërhiqet Albin Kurti: Nuk e quan “marrëveshje” letërkëmbimin e Thaçit me NATO-n
Periskopi(6 vite më parë)
(6 vite më parë)Kryeministri i Republikës së Kosovës, Albin Kurti, ka shkruar një status në Facebook në lidhje me zhvillimet e fundit politike pas publikimit të një letërkëmbimi mes ish kryeministrit Thaçi me ish Sekretarin Gjeneral të NATO-s, Anders Fogh Rasmussen. Kurti kësaj here nuk e përdor termin “marrëveshje sekrete” siç bëri gjatë ditës së djeshme, pasi vetë […]
Kurti kësaj here nuk e përdor termin “marrëveshje sekrete” siç bëri gjatë ditës së djeshme, pasi vetë zyrtari i NATO-s e kishte mohuar që letërkëmbimi në fjalë ishte marrëveshje, pasi që as nuk ishte nënshkruar.
Kryeministri ka përsëritur disa prej pyetjeve që ka shkruar edhe në konferencën e djeshme për shtyp, shkruan Periskopi.
Ai deklaroi se ka parë që është kritikuar “vetëm opinioni ligjor nga zyra e tij” që rekomandoi shkarkimin e presidentit, dhe jo publikimi i saj.
Një gjë e tillë është qartë një tërheqje nga ana e tij për rastin në fjalë.
Më poshtë e keni postimin e plotë të z.Kurti:
- Para tre muajve isha në ndërrimin e komandës së KFOR-it ku Gjeneral Michele Risi mori komandën. Sot e mirëprita në Kryeministri. E kam thenë atëherë, e them tash dhe do të them përherë se prania e NATO-s në Kosovë është e pazëvendësueshme gjersa rajoni është ende jostabil dhe përderisa përballemi me një shtet që ka pretendime territoriale ndaj nesh.
- NATO nuk ka nevojë për shkëmbime të fshehta me popullin e Kosovës sepse ne e kemi pritur me lule e me përqafime. Nuk është e rastësishme që nga zyrtari i NATO-s unë e mora letërkëmbimin dhe jo nga Presidenti ynë. Çështja është pse Presidenti e bëri atë zotim mu në ditën kur edhe nënshkroi ‘Zajednicën’ me Daçiqin në Bruksel? Pse nuk e njoftoi askënd, dhe a veproi Presidenti në përputhje me ligjin dhe Kushtetutën?
- Ajo që ne kemi bërë është publikimi i një letre e cila ishte mbajtur e fshehur nga publiku. Me sa kam parë, askush nuk na ka kritikuar se përse e kemi bërë transparente një letër të mbajtur fshehtë, e cila nuk ka qenë dokument i klasifikuar, por kritikuan opinionin ligjor nga zyra ime se pse ka rekomanduar shkarkimin e presidentit.
- Ne jemi shoqëri e hapur që po ndërtojmë demokraci të qëndrueshme me punën e një qeverie progresive. Do të ketë dhe duhet të ketë debate e kritika e mospajtime çdoherë por duhet të ndërtojmë shtetin e së drejtës. Institucionet duhet të respektojnë e zbatojnë ligjet dhe Kushtetutën. /Periskopi
