43 minuta më parëThaçi: Kosova u paraqit mirë në Berlin, presim rezultate konkrete në takimin e Parisit
Periskopi(7 vite më parë)
(7 vite më parë)Presidenti i vendit, Hashim Thaçi në një konferencë për media pas kthimit nga Samiti i Berlinit ka thënë se vendi atje ka kaluar shumë mirë dhe me pozicione të qarta. Presidenti ka thënë se takimi i radhës më 1 korrik në Paris do t’I japë një dinamikë të re dialogut, duke shpresuar në një marrëveshje […]
”Shpesoj dhe besoj që në takimin e ardhshëm që do të jetë në Paris, do të ketë një dInamikë të re të procesit të dialogut për arritjen e marrëveshjes përfundimtare me Serbinë. Një dialog plotësisht i pakushtëzuar, me asnjë rrethanë dhe asnjë cmim. Kam thënë qartë se nuk do të lejojmë asnjë sovranitet të dyfishtë në territorin e Kosovës. As të hidhen ide për ndarjenn e Kosovës ose për Republika Srpska. Do të fokusohemi në rritjen e përgjegjësisë shtetërore’’, ka thënë Thaçi.
Ai për këtë takim, ka theksuar se delegacioni kosovar do të ketë një përgatitje të lartë dhe shpreson se do të sjell një rezultat konkret.
‘’Do të kemi përgatitje të mirë që do të sjell rezultat konkret. Kosova në Berlin është ndarë mirë, pozicioni ka qenë i qartë. Politikisht i drejtë, në përputhmëri me standarde e kritere’’.
Tutje ai për takimet në Berlin, ka falënderuar Merkelin dhe Macronin për mbështetjen e dhënë për procesin e dialogut por edhe për vizat. Ndërsa ka përsëritur kërkesat që ka pasur Kosova atje.
“Duke shprehur falënderimin dhe mirënjohjen për rolin aktiv dhe tash mobilizues dhe angazhues të Kancelares Angela Merekel dhe të Presidentit Emmanuel Macron – vlerësoj se ne dhe liderët e rajonit kemi theksuar qartë dëshirën, nevojën dhe domosdoshmërinë që rajoni të lëviz më shpejt drejt Bashkimit Europian. Kemi konfirmuar zotimin për t’i kryer punët tona. Poashtu dua të potencoj se shtrohet nevoja për bashkëpunim më të mirë ndërfqinjësor. Me një Evropë më të bashkuar dhe më të fort gjërat do të zgjidhen më shpejt dhe në mënyrë më cilësore.
‘Isha i qartë tek Kancelarja Merkel për gjetjen e një zgjidhje sa më të shpejt, më të mirë dhe më të pranueshme Kosovë-Serbi. Por pozicion jonë është që Serbia duhet ta njohë Kosovën pa kushte. Një pëgjegjësi edhe më të lartë nga BE, për të vlerësuar lartë rolin e Amerikës. Dy orë kemi biseduar me amnbasorin e SHBA’së. SHBA ka qenë e qartë, sic është letra e Trumpit për marrëveshjen përfundimtare Kosovë-Serbi’’, ka thënë Presidenti./PERISKOPI/
https://www.facebook.com/981226585245257/videos/425307818283802/
