Tjetër mizori ruse: Zbulohet varri masiv në qytetin e çliruar Izyum

Kreu i policisë rajonale, Volodymyr Tymoshko tha për BBC se mendohet që më shumë se 400 trupa janë varrosur aty.

“Rusia lë vdekje kudo”, tha presidenti ukrainas, duke përmendur varresat e tjera masive që janë raportuar pas tërheqjes së trupave ruse.

Ukraina dhe alatët e saj perëndimorë akuzojnë trupat ruse për krime të luftës. Moska mohon këto akuza.

Është ende e paqartë se çfarë u kishte ndodhur viktimave, por sipas disa rrëfimeve, shumë prej tyre mund të kenë vdekur nga bombardimet dhe nga mungesa e qasjes në qendra shëndetësore.

Aty gjithashtu ka shenja se disa prej varresave mund t’i përkasin ushtarëve ukrainas.

Tymoshko tha se zhvarrosja do të fillojë të premten për të marrë një pamje më të qartë të numrit të viktimave në qytetin që ka qenë nën pushtimin rus për më shumë se pesë muaj.

Në adresimin e tij të së enjtes, presidenti Zelensky tha se “një informacion më i qartë dhe i verifikuar” do të prezantohet të premten për popullin ukrainas dhe për gazetarët e huaj.

“Ne dëshirojmë që bota të di se çfarë në të vërtetë është duke ndodhur dhe se në çfarë na ka çuar pushtimi rus. Bucha, Mariupol dhe tani, fatkeqësisht, Izyum”, tha ai.

Lideri ukrainas po i referohej varresave masive që u gjetën në pranverë në Bucha, afër kryeqytetit Kyiv dhe gjithashtu afër Mariupolit- porti kryesor ukrainas në jug-lindje që tani është okupuar nga trupat ruse.

Andriy Yermak, kreu i zyrës së presidentit Zelensky, postoi një fotografi në Twitter të varrit të pretenduar masiv, që gjithashtu tha se të premten priten më shumë informacione.

A mass burial was found in Izyum, Kharkiv region. Necessary procedures have already begun. All bodies will be exhumed and sent for forensic examination. Expect more information tomorrow.

Russia is a murderer country. A state sponsor of terrorism. pic.twitter.com/7pKTrYvlUF

— Andriy Yermak (@AndriyYermak) September 15, 2022

Pjesa më e madhe e qytetit Izyum është shndërruar në gërmadha, me një politikan lokal që tha për gazetarë se më shumë se 80% e infrastrukturës së qytetit është shkatërruar dhe se ka ende trupa që po zbulohen nën rrënoja.

Izuym dhe një numër i qyteteve në rajonin Kharkiv u çliruan më herë gjatë këtij muaji pas një kundërofenzive të shpejt të Ukrainës që duket se zuri në befasi trupat ruse duke i lënë të papërgatitur për të mbrojtur pozicionet e tyre.

Ukraina thotë se ka identifikuar më shumë se 21 mijë krime të mundshme të luftës- përfshirë vrasje të civilëve dhe përdhunime- të kryera nga trupat ruse qysh kur presidenti Vladimir Putin urdhëroi pushtimin e vendit në shkallë të plotë me 24 shkurt. /Periskopi/