19 minuta më parëTomë Gashi shpërndau Hitlerin, ja çka i bëri Albin Kurti gjyqtarit që kishte vepruar si analisti i VV-së
Periskopi(6 vite më parë)
(6 vite më parë)Tomë Gashi ka shpërndarë sot një thënie të shoqëruar nga figura e diktatorit famëkeq Adolf Hitler. Por, një gjë të tillë e kishte bërë edhe gjyqtari Beqir Kalludra disa vite më parë duke shkaktuar skandal të madh e që me të drejtë ishte sulmaur nga Vetëvendosje. Tomë Gashi në postimin në fjalë pretendonte se Kosova […]
Tomë Gashi në postimin në fjalë pretendonte se Kosova ishte pushtuar në Washington në marrëveshjen e 4 shtatorit duke thënë “pushtimi brina s’ka”, ndërkohë që citonte vargje nacionaliste nga Adolf Hitler.
Tashmë, ai këtë postim të turpshëm e ka fshirë.
Regjimi nazist i Hitlerit është përgjegjës për Holokaustin, gjenocidin ndaj hebrejëve të Evropës ku u vranë rreth 6 milionë hebrej, përcjell Periskopi. Kjo vjen për më tepër në kohën kur në bazë të marrëveshjes së 4 shtatorit pritet të njohja e Kosovës nga Izraeli (komb i hebrejëve i lindur pas Holokaustit).
Por, një thënie të ndryshme të Hitlerit e kishte shpërndarë gjyqtari Beqir Kalludra.
Ai ishte sulmuar nga të gjitha anët prej Vetëvendosjes, e madje edhe nga kryetari Albin Kurti. Kurti kishte shkuar aq larg (me të drejtë) sa nuk kishte pranuar as të gjykohej nga Kalludra në një proces gjyqësor në dhjetor të 2017-s.
“Unë jam antifashist dhe nuk pranoj të më akuzoj një simpatizues i fashizmit”, kishte thënë Kurti para gjykatës.
Por, një gjë e tillë nuk pritet të ndodh me analistin Gashi i cili është i afërt me Lëvizjen Vetëvendosje, dhe i biri i të cilit ka kandiduar madje për deputet nga kjo parti në zgjedhjet e 6 tetorit. /Periskopi
