3 orë më parëUdhëtimi i Kurtit në SHBA – ZKM: Do të takohet me komunitetin shqiptar atje dhe shoqatën e diasporës
Periskopi(9 muaj më parë)
(9 muaj më parë)Zyra për media e qeverisë në detyrë ka njoftuar për udhëtimin e Albin Kurtit në SHBA dhe takimet që do të zhvillojë atje, raporton Periskopi. Sipas njoftimit për media, thuhet se Kurti do të zhvillojë takime bilaterale me liderë në kuadër të Javës së Nivelit të Lartë të Sesionit të 80-të të Asamblesë së Përgjithshme […]
Sipas njoftimit për media, thuhet se Kurti do të zhvillojë takime bilaterale me liderë në kuadër të Javës së Nivelit të Lartë të Sesionit të 80-të të Asamblesë së Përgjithshme të Kombeve të Bashkuara.
“Gjatë qëndrimit atje, gjithashtu do të takojë pjesëtarë të komunitetit shqiptar në ShBA dhe përfaqësues të shoqatave të diasporës”, thuhet mes tjerash në njoftim.
Njoftimi i plotë:
Kryeministri Kurti udhëton për në ShBA, merr pjesë në Javën e Nivelit të Lartë të Asamblesë së Përgjithshme të OKB-së
Prishtinë, 25 shtator 2025
Kryeministri në detyrë i Republikës së Kosovës, Albin Kurti, ka udhëtuar për në Neë York të Shteteve të Bashkuara të Amerikës, ku do të zhvillojë takime bilaterale me liderë në kuadër të Javës së Nivelit të Lartë të Sesionit të 80-të të Asamblesë së Përgjithshme të Kombeve të Bashkuara.
Gjatë qëndrimit atje, gjithashtu do të takojë pjesëtarë të komunitetit shqiptar në ShBA dhe përfaqësues të shoqatave të diasporës.
Përmes pjesëmarrjes në Javën e Nivelit të Lartë dhe takimeve të parapara synohet thellimi i raporteve bilaterale me vende partnere, fuqizimi i mëtejmë i subjektivitetit ndërkombëtar të shtetit tonë në raport me vendet mosnjohëse dhe prezantimi i mundësive dhe përparësive që Republika e Kosovës ofron për investitorë të huaj.
