14 minuta më parëUshtarët, policët, e infermierët mbesin pa shtesat e “mundit” të tyre – Ministria e drejton gishtin dikah tjetër
Periskopi(një vit më parë)
(një vit më parë)Fillimi i këtij muaji nuk ishte i mirëpritur nga policët e Kosovës, ushtarët e FSK’së e as nga një pjesë e infermierëve. Krejt kjo pasi në xhillollogaritë e tyre nuk u ekzekutuan pagesat për orët shtesë që kanë punuar dhe për ndërrimin e natës. Për këtë Ministria e Financave ua ka hedhur fajin organizatave buxhetore […]
Iliriana Xhylani, Periskopi
Në një përgjigje për Periskopin, Ministria e Financave ka sqaruar se organizatat buxhetore e kanë për detyrë që të përgatisin listat e pagave, por kjo nuk guxon që ta tenkaloj buxhetin e miratuar, kur miratojnë shtesa tjera mbi pagën bazë.
“Ministria e Financave, Punës dhe Transfereve (MFPT) shpreh mirëkuptimin e saj për shqetësimet e ngritura në lidhje me ekzekutimin e pagave dhe shtesave. Përgjegjësia mbi përgatitjen e listave të pagave, e njëkohësisht edhe sigurimin se shuma e urdhëruar për pagesë është brenda kufijve buxhetorë të miratuar në ligjin për ndarje buxhetore, i takon secilës organizatë buxhetore përkatëse. Ministria e Financave, Punës dhe Transfereve, përkatësisht Thesari sigurohet që shuma është në përputhje me ndarjen buxhetore, dhe e bën procesimin e pagesës nëpër llogari individuale. Ndërsa, u takon organizatave buxhetore përkatëse që të planifikojnë buxhetin vjetor nëpër muaj, dhe të sigurohen se kanë buxhetin e mjaftueshëm kur miratojnë shtesa tjera mbi pagën bazë”, thuhet në përgjigjen e Ministrisë.
Duke theksuar se këtë muaj organizatat e kanë kaluar ndarjen buxhetore, Ministria u ka bërë thirrje që herën tjetër të sigurohen që janë brenda buxhetit dhe situata e njëjtë të mos përsëritet muajve në vijim.
“Çdo tejkalim i ndarjes buxhetore proporcionale mujore, mund të rezultojë në situata ku bëhet i pamundur ekzekutimi i plotë. MFPT, konkretisht Thesari, ka njoftuar me kohë organizatat buxhetore që të sigurohen se janë brenda buxhetit. MFPT edhe njëherë shpreh gatishmërinë që të ofrojë mbështetje për të gjitha organizatat buxhetore që ato të bëjnë planifikimet e duhura dhe të sakta, çdoherë në pajtim me legjislacionin në fuqi, ashtu që të tejkalohet kjo situatë për muajt në vijim dhe mundi e puna të kompenzohet përkitazi për të gjithë ata që kanë punuar”, thuhet tutje në përgjigjen e Ministrisë së Financave.
Kujtojmë se Sindikata e Policisë së Kosovës ishte e para që reagoi për mos ekzekutimin e shtesave dhe orëve shtesë për zyrtarët policor.
“Sindikata e Policisë e Kosovës do të ndjekë këtë çështje nga afër dhe nuk do të hesht derisa të realizohet pagesa e plotë e të gjitha kompensimeve të papaguara. Ne do të vazhdojmë të mbrojmë të drejtat e zyrtarëve policorë dhe të kërkojmë zgjidhje të shpejta dhe të qëndrueshme për këtë çështje”, thuhej mes tjerash në komunikatën e Sindikatës.
