3 minuta më parëVdes pas një aksidenti tragjik ish-ushtari i UÇK-së, Liman Musliu
Periskopi(2 vite më parë)
(2 vite më parë)Ish-ushtari i UÇK-së, Liman Musliu ka vdekur pas një aksidenti tragjik. Kështu ka bërë të ditur Forca e Sigurisë së Kosovës përmes një postimi në Facebook. “Njoftojmë të gjithë pjesëtarët e Forcës së Sigurisë së Kosovës dhe të Ministrisë së Mbrojtjes, se ka ndërruar jetë pas një aksidenti tragjik ish ushtari i Ushtrisë Çlirimtare të […]
Ish-ushtari i UÇK-së, Liman Musliu ka vdekur pas një aksidenti tragjik.
Kështu ka bërë të ditur Forca e Sigurisë së Kosovës përmes një postimi në Facebook.
“Njoftojmë të gjithë pjesëtarët e Forcës së Sigurisë së Kosovës dhe të Ministrisë së Mbrojtjes, se ka ndërruar jetë pas një aksidenti tragjik ish ushtari i Ushtrisë Çlirimtare të Kosovës, Trupave të Mbrojtjes dhe Forcës së Sigurisë së Kosovës, Liman Musliu, dhe nga jeta ndahet zyrtar civil në Shtabin e Përgjithshëm të Forcës së Sigurisë së Kosovës”.
I ndjeri njëherit është edhe vëllai i imamit, Osman Musliu.
Varrimi i të ndjerit bëhet ditën e hënë, kështu u shpreh në një postim në Facebook imami Musliu.
“Të Zotit jemi dhe tek Ai do të kthehemi!
Të dashur familjar, miq e dashamirë, ju lajmërojmë së vllau ynë e luftëtari i lirisë së Kosovës, Limani para disa orëve ka ndërruar jetë. Dhimbja asht e madhe, e lusim Zotin që ta merr në rahmetin e tij e neve ishalla na forcon e na çon sabrin!
Varrimi asht ditën e hanë! Për orën e saktë do ju lajmërojmë me kohë.”- ka shkruar Musliu.
Po ashtu edhe komandanti i Forcës së Sigurisë së Kosovës, gjenerallejtënant Bashkim Jashari u ka shprehur ngushëllime familjes, miqve, shokëve, bashkëluftëtarëve e bashkëpunëtorëve në FSK, duke vlerësuar lartë kontributin dhe shërbimin e tij me nder dhe dinjitet në të gjitha periudhat për atdheun.
