Viti 2006: Koha kur Vetëvendosje akuzonte Thaçin që i kishte shkuar në varrim Rugovës e që ishte bërë si Rugova

Vjosa Osmani pritet të bëhet pjesë e Vetëvendosjes – në emër të së mirës së përgjithshme. Por, kjo parti asnjëherë nuk ka përqafuar figurën e presidentit historik, Ibrahim Rugovës. Madje, nga një shkrim i vitit 2006, del se kjo parti ishte më e afërt me Thaçin se sa me Rugovën.

“Në varrimin e Rugovës nuk ishte familja Jashari, nuk ishte Lëvizja VETËVENDOSJE! dhe nuk ishin edhe shumë bashkëluftëtarë e atdhetarë të cilët e dinin dëmin politik që Kosovës i bëri Rugova e rugovizmi. Por ti ishe aty dhe nuk të vinte fare turp sepse tani më nuk dalloheshe nga ai. Jo vetëm që flisje si ai, por tani ishe mësuar që edhe të silleshe si ai. Të ka mbetur vetëm edhe gur të fillosh të shpërndash.” – shkruhet në reagimin e Vetëvendosjes në dhjetorin e 2006-s, me titullin “Gjaku i humbur”.

Ky shkrim nuk ka autor, ndonjë aktivist apo ndonjë zyrtar të partisë, që lë të kuptohet se është qëndrim zyrtar i kësaj partie politike – që në atë kohë nuk ishte subjekt parlamentar, përcjell Periskopi.

Aty akuzohej Thaçi për nënshkrimin e Marrëveshjes së Rambujesë e për çarmatosjen e UÇK-së.

“Ti që thirresh në emër të luftës dhe në emër të atyre që dhanë jetën për çlirim, pranove që në Rambuje të jetë edhe Ibrahim Rugova, njeriu që kurrë nuk e njohu UÇK–në.” – shkruhet më tej nga Vetëvendosje.

Shkrimin e plotë mund ta lexoni duke klikuar KËTU.