Vrasja në Prishtinë, i dyshuari ende në arrati – Prokuroria deklarohet: Po ndërmarrim masat dhe veprimet e nevojshme hetimore

“Prokurori i shtetit në bashkëpunim dhe koordinim me organet e Policisë janë duke ndërmarrë masa dhe veprime të nevojshme hetimore mbi këtë çështje”, thonë nga Prokuroria për express, përcjell Periskopi.

Dy persona kanë mbetur të plagosur mbrëmë pas gjuajtjes me armë zjarri në Prishtinë. Njëri nga të plagosurit nuk ka mundur të ju mbijetojë plagëve dhe ka ndërruar jetë.

I dyshuari për rastin tashmë është identifikuar dhe është në kërkim.

Të shtënat me armë dhe plagosjen e dy personave e ka konfirmuar mbrëmë zëdhënësja e Policisë për rajonin e Prishtinës, Flora Ahmeti. Po ashtu, ajo ka konfirmuar se i dyshuari është identifikuar, dhe se policia është në kërkim të tij.

“Rreth orës 22:30, kemi pranuar informatën për të shtëna me armë në rrugën “Rrustem Hyseni” në Prishtinë, ku dyshohet të jenë lënduar dy persona të cilët janë dërguar për tretman mjekësor. Aktualisht hetuesit policor janë duke ndërmarr të gjitha masat e nevojshme në lidhje me rastin dhe janë në kërkim të personit të dyshuar i cili tashmë është identifikuar”, ka thënë Ahmeti.

Personi që vdiq raportohet se është Naser Gashi 62 vjec, i cili përpos që dyshohet se u qëllua me armë, dyshohet se kishte edhe një therje me thikë në gjoks.

Kurse i plagosuri tjetër që ndodhet në spital është Miftar Miftari, 41 vjeçar. I dyshuar për rastin është Alban Gashi.

Gjuajtja me armë në Prishtinë, Policia: Dy persona të lënduar, i dyshuari është indentifikuar dhe është në kërkim

Alarmante: Katër vrasje brenda javës në Kosovë – Ku janë “kokat” e sigurisë?