6 minuta më parëZafir Berisha: Nisma nuk ka bërë koalicion me VV-në, nuk e ka as në plan
Periskopi(një vit më parë)
(një vit më parë)Zafir Berisha nga Nisma Socialdemokrate ka folur për mundësitë e një koalicioni të kësaj partie me Lëvizjen Vetëvendosje, e cila doli e para në zgjedhjet nacionale të 9 shkurtit. Berisha ka deklaruar se poashtu nuk janë të vërteta raportimet se pati një takim të mundshëm të Fatmir Limajt, kryetarit të Nismës me pjesëtarë të LVV-së. […]
Zafir Berisha nga Nisma Socialdemokrate ka folur për mundësitë e një koalicioni të kësaj partie me Lëvizjen Vetëvendosje, e cila doli e para në zgjedhjet nacionale të 9 shkurtit.
Berisha ka deklaruar se poashtu nuk janë të vërteta raportimet se pati një takim të mundshëm të Fatmir Limajt, kryetarit të Nismës me pjesëtarë të LVV-së.
“Por jo koalicion, por as kafe nuk kemi pirë, të them të drejtën në një takim të kryesisë së Nismës Socialdemokrate, me që ishin fjalët ‘ jo qëndroi ky, apo ky piu kafe’ u detyrua Fatmir Limaj të thotë para kryesisë se që nga 2017, jo që nuk ka pirë kafe, por as dorën nuk ua ka dhënë Lëvizjes Vetëvendosje”, tha ai në KlanKosova transmeton Periskopi.
Berisha ka pohuar se nuk do të ketë një koalicion me LVV-në, sipas tij, janë të interesuar të kenë koalicion me partitë opozitare, nëse dështon formimi i qeverisë nga Lëvizja Vetëvendosje.
“Nuk kemi bërë koalicion dhe as nuk e kemi në plan të bëjmë koalicion, Nisma vazhdon të qëndrojë në atë që është publike se jemi të interesuar për një koalicion me opozitën”, u shpreh Berisha.
