24 minuta më parëZjarre masive në Francë, Britania 40 gradë celsius: Kur vjen moti përvëlues në Kosovë?
Periskopi(4 vite më parë)
(4 vite më parë)Temperatura ekstreme po shënohen gjithandej në Evropë, derisa është paralajmëruar, që edhe në vendin tonë, në Kosovë, të kemi mot shumë të nxehtë gjatë javës. Kështu, në Francë, zjarrfikësit janë përballut me zjarret masive në jugperëndim të vendit derisa Britania ka shënuar temperature shumë të lartë poashtu. Në Gjermani dhe në Belgjikë, poashtu janë shënuar […]
Temperatura ekstreme po shënohen gjithandej në Evropë, derisa është paralajmëruar, që edhe në vendin tonë, në Kosovë, të kemi mot shumë të nxehtë gjatë javës.
Kështu, në Francë, zjarrfikësit janë përballut me zjarret masive në jugperëndim të vendit derisa Britania ka shënuar temperature shumë të lartë poashtu.
Në Gjermani dhe në Belgjikë, poashtu janë shënuar temperatura ekstreme, që shkencëtarët ua atribuojnë ndryshimeve klimatike.
Sipas zyrës metorologjike në Britani, në Britani janë regjistruar temperature deri në 40 gradë Celsius.
Temperaturat në Kosovë
Sipas faqes kompetente për motin, Prishtina Weather, në njoftimin e 17 korrikut, thuhet se të enjten dhe të premten, Kosova mund të përballet me mot shumë të nxehtë.
Njoftimi:
Mot kryesisht me diell dhe i thatë në javën vijuese. Temperaturat në rritje, deri në 35C ditën e enjte dhe të premte.
17.07.2022 – Mot i kthjellët, kryesisht me diell dhe i thatë parashihet gjatë javës vijuese. Fillimisht në aspektin termik do të jetë shumë ngrohtë, e më pas më nxehtë me temperatura deri në 35C të premten, e në fundjavë me mundësi të rritjes së mëtutjeshme edhe mbi 35C.
Ditën e premte pasdite, nuk përjashtohen mundësi për zhvillime të rrebesheve të shkurta të shiut.
Indeksi i rrezeve ultraviolete do të jetë në nivele shumë të larta të rrezikut, kështuqë orëve të mesditës rekomandohet t’i ikim ekspozimit më të gjatë ndaj rrezeve të diellit.
18.07 – Kryesisht me diell dhe shumë ngrohtë.
19.07 – Më nxehtë dhe kryesisht me kthjellime e diell.
20.07 – Nxehtë, kryesisht me diell.
21.07 – Kryesisht me diell, më nxehtë.
22.07 – Nxehtë dhe kryesisht me diell. Pasdite vonë nuk përjashtohen mundësi për rrebeshe të shkurta shiu.
Temperaturat në rritje graduale, minimalet zbresin deri në 10C të martën, e më pas në rritje në 15C. Maksimalet nga 28 e 29C në fillim të javës, rriten deri në 34C e 35C të enjten dhe premte.
Erërat frynë kryesisht nga veriu e verilindja, lehtë dhe mesatare 5-11m/s.
Shtypja atmosferike në rënie graduale përreth vlerave normale./Periskopi
