Zyra e kryeministrit bëhet zyre e ‘tallavasë’: Labinot Tahiri pritet sërish nga Ramush Haradinaj
Kryeministri Haradinaj e ka pritur sërish Labinot Tahirin në zyren e tij me rastin e ditëlindjes
Se kryeministri i Kosovës, Ramush Haradinaj, vepron sipas tekeve të tij këtë e ka deklaruar haptas në një intervistë të para një viti.
Në zyren më të rëndësishme të vendit, atë të kryeministrit, Haradinaj kishte takuar edhe familjarë të tij, halla e teze dhe pjesëtarë të farefisit. Madje edhe qiraxhinjtë e shtëpisë.
Sidoqoftë, javët e fundit, kësaj zyreje nuk po i hiqet deputeti i pavarur dhe këngëtari i njohur Labinot Tahiri. Ky është takimi i tretë i dy politikanëve në javët e fundit, shkruan Periskopi.
Kësaj here, siç bën të ditur kryeministri Haradinaj, ata biseduan për “mundësinë e avancimit të projekteve zhvillimore për rritjen e mirëqenies qytetare në vend” pa treguar se për çfarë projektesh konkretisht.
Por, e vërteta mund të jetë që deputeti Tahiri i ka shkuar në zyrë kryeministrit për ta uruar për ditëlindjen e tij.
Ky është postimi i shkurtër i kryeministrit në Facebook:
Bashkëbisedim me deputetin e Kuvendit të Kosovës, Labinot Tahiri, për mundësitë e avancimit të projekteve zhvillimore për rritjen e mirëqenies qytetare në vend. Pata kënaqësinë, poashtu, të pranoj edhe urimet më të mira nga deputeti Tahiri me rastin e ditëlindjes sime.
