Abdixhiku e thumbon Kurtin: Dikush që s’i ka 61 vota për veti, s’duhet të jetë kryetar i Kuvendit fare

Abdixhiku ka thënë se nëse partia e parë nuk e bënë qeverinë, atëherë janë afatet Kushtetuese për partitë e tjera, raporton Periskopi.

“E njohim të drejtën e plotë të partisë së parë që të provojë të bëj shumicën, nëse nuk e bën pas 15 ditëve Kushtetuta e Kosovës është shumë e qartë i jep të drejtën secilës parti që dëshmon para presidencës që mund të bëj shumicën, ta bëj një gjë të tillë. Nuk kemi mbërri në atë pikë. Do të jem po aq transparentë para jush edhe për këtë çështje kur të mbërrijmë atje”, tha ai.

Kryetari i LDK-së ka thumbuar kryeministrin në detyrë Albin Kurti se nëse një kryetar i Kuvendi nuk i ka 61 vota atëherë nuk duhet të jetë fare në atë pozitë.

“Një kryetar i Kuvendit që nuk i ka 61 vota për vete nuk duhet të jetë kryetar fare. Pra minimalisht duhet t’i ketë 61 vota. Qëndrimet e LDK-së i keni dëgjuar tashmë janë të njëjta si para fushatës, gjatë fushatës dhe pas fushatës. Proceduralisht besoj e dini që më 15 prill do të bëhet betimi, më pas bëhet propozimi i kryetarit të Kuvendit, konstituohet Kuvendi pas zgjedhjes së kryetarit dhe kryesisë së Kuvendit”, ka thënë Abdixhiku.

Kujtojmë që Lumir Abdixhiku ka refuzuar kërkesën e Albin Kurtit për takim.

“Lidhja Demokratike e Kosovës vazhdon të jetë përherë mbështetëse për interesat madhore të Republikës, ndonëse nuk i jeni përgjigjur asnjëherë kësaj gatishmërie me bashkëpunim reciprok”, thuhet në letrën e Abdixhikut për Kurtin.

Çka dihet deri më tani?

Për të ardhur deri tek ndërtimi i Qeverisë së re, duhet 61 deputetë për shumicë parlamentare.

Ndërsa, Kurti i ka vetëm 48 sosh. As bashkëpunimi me pakicat jo serbe nuk mund të nxjerr numrin që kërkohet. Nga kjo parti s’kanë bërë me dije se ku do t’i marrin deputetët e tjerë.

PDK-LDK dhe AAK kundër koalicionit me VV-në.

Ndërsa, më 15 prill (martë), pritet të mbahet seanca konstituive e Kuvendit të Kosovës./Periskopi/