Agim Veliu përgjigjet pasi u tha se kishte kundërshtuar koalicionin me VV-në: Secili ka të drejtë të mendojë ndryshe

Nënkryetari i LDK’së Agim Veliu ka treguar nëse sot gjatë mbledhjes së kryesisë së LDK’së ka qenë kundër koalicioni me Vetëvendosje, shkruan Periskopi.

Veliu ka thënë se në LDK secili ka mendimin të ndryshme dhe se për koalicionin me VV ka dilema se mund të arrihet.

“Po secili e ka drejtë e mendimit të vetë në LDK, unë sigurisht e them mendimin tim në çdo forum të LDK ku merren vendimet mirëpo çdo vendim i LDK’së që merret është i pranueshëm”

“Negociatat me VV e kemi dhënë deklaratët që të vazhdojmë që të arrihet një marrëveshje mirëpo me këto veprimet e njëanshme të VV nuk e di a është rruga e duhur për marrëveshje, unë i ka dilemat e mija por unë i them gjithmonë aty ku duhet”

“Veprimet e njëanshme e kanë dëmtu procesin e negociatave sepse e kemi pas edhe një hap mirëpo veprimet që ka ndodhë me zgjedhjen e kryetarit të Kuvendit si dhe sot me video-mesazhin ky proces është lënduar shumë, mirëpo do t’i shfrytëzojmë të gjitha mundësitë që të arrijmë një marrëveshje”, ka thënë Veliu.

Tutje përmes telefonit në Debat Plus ai ka thënë se LDK nuk ka kërkesa ndaj VV’së.

“LDK i ka pas kërkesat e saj që mendon se ndërtohen një koalicion i balancuar,  është më mirë ata të na thonë se cili është mendimi i tyre për koalicion. Nuk besoj që mund të na imponohen në këtë mënyrë as me kërkesa as me emra dhe se këto janë jo serioze”, u shpreh ai.

Kujtojmë që Agim Veliu, Avdullah Hoti dhe Skënder Hyseni janë takuar ditë më parë në Berlin me përfaqësuesin special të presidentit Trump për dialogun Kosovë – Serbi, ambasadori Richard Grenell./Periskopi/