4 minuta më parëAnëtarja e VV-së favorite për Kryekadastër: Ankesa që mund ta anulojë konkursin
Periskopi(3 vite më parë)
(3 vite më parë)Periskopi para dy muajve ka hulumtuar procesin e pozitës së drejtorit Ekzekutiv në Agjencinë Kadastrale të Kosovës (AKK), e cila vazhdon të mbetet e zbrazët që më shumë se 1 vit e gjysmë, ndonëse ka një proces e sipër për përzgjedhjen e personit të ri që do ta udhëheqë këtë pozitë gogja me peshë. Ministria […]
Si kandidatë me më së shumti pikë ishin përzgjedhur Suad Çmega, Nora Kelmendi dhe Edon Maliqi, këta dy të fundit njerëz të partisë në pushtet. Megjithatë, kandidati tjetër me emër Faik Kelmendi ishte përjashtuar nga kjo garë, për çka ka shtruar edhe ankesë në KPMSHC.
Faik Kelmendi ka konfirmuar për Periskopin shtrimin e ankesës, ndërkohë që thotë se është në pritje e sipër të vendimit.
‘Po kam shtruar ankesë. Po e pres vendimin. Tash të shohim çka do të vendosin ata’’, tha Kelmendi për Periskopin.
Kelmendi atëherë kishte treguar Periskopin se kundër-kandidatët e tij nuk kanë plotësuar as kriteret e kërkuara.
‘’Sipas hulumtimeve apo informacioneve që i kam marr, del që kandidatët nuk i kanë plotësuar as kriteret bazike për me apliku në konkurs. Me shkrim kandidati i parë ka dal Edoni, unë i kam pasë 38.04 kam qenë i treti, kandidatit i dytë ka qenë 38. 07 Suadi dhe kemi qenë shumë afër më pikë. Mas meje ka qenë Nora me 37 pikë e diçka.’’, ka thënë Faik Kelmendi.
Periskopi ka mësuar prej burimeve të veta se vendimi nga KPMSHC pritet të merret këto ditë, ndërkohë mbetet të dihet nëse do të anulohet konkursi apo do të vazhdojë tutje Nora Kelmendi, si kandidate më favorite për këtë pozitë.
Nora Kelmendi, me profesion ekonomiste, ish- këshilltare e kryeministrit Albin Kurti gjatë Qeverisë Kurti I, vazhdon të mbetet anëtare e Vetëvendosjes dhe asambleiste e kësaj partie në komunën e Prishtinës. Kelmendi, në testimin me shkrim ishte vlerësuar me 37.48 pikë, krejt pas kandidatit të eliminuar Faik Kelmendi. Nga ajo renditje, pas intervistimit ajo figuron me 42.86 pikë.
Ambasada britanike nuk rekomandoi asnjërin kandidat!
Mbikëqyrësit e procesit të përzgjedhjes së kandidatëve në pozita të larta drejtuese, pra komisioni i Ambasadës së Britanisë së Madhe në Kosovë, kanë publikuar raportin e tyre të pavarur, përmes së cilit nuk rekomandojnë asnjërin nga tre kandidatët e vlerësuar me pikët më të larta për kryekadastër të shtetit.
Rezultatet e këtij raporti ishin shpallur pas intervistimit të datave 15-16 nëntor të Kelmendit, Çmegës dhe Maliqit.
Agjencia Kadastrale e Kosovës është autoriteti qendror për mirëmbajtjen e bazës së të dhënave kadastrale, për mirëmbajtjen e regjistrave pronësorë, për hartografi dhe GIS, për sistemin e unifikuar të adresave, për infrastrukturën kombëtare të informacioneve hapësinore dhe për administrimin e Infrastrukturës së Teknologjisë së Informacioneve. /Kaltërina Misini – PERISKOPI/
