Dallaveret në rrugën Prishtinë-Podujevë: Këto janë shkrimet e publikuara nga Periskopi që e dërguan Durmishin në Prokurori

Periskopi vazhdimisht ka raportuar për shkeljen e Ligjit të Prokurimit Publik për tenderin “Ndërtimi i rrugës nacionale ”Prishtinë – Besi – Podujevë”.

Tashmë punimet për ndërtimin e kësaj rrugë kanë nisur dhe përurimin e tyre e ka bërë, kryeministri, Albin Kurti. Por, procedurat e prokurimit që u aplikuan për t’u lidhur kontratat dyshohet se janë bërë kundërligjshëm. Kundërligjshëm janë favorizuar edhe kompanitë fituese.

Tenderi është realizuar nga Ministria e Mjedisit, Planifikimit Hapësinor dhe Infrastrukturës që udhëhiqet nga Liburn Aliu, por është nënshkruar nga zëvendësministri, Hysen Dumrishi.

Vlen të theksohet, se Prokuroria hetimet i ka marrë në trajtim për këtë lëndë para rreth një viti më parë.

E tash, Hysen Durmishi njoftoi edhe në profilin e tij në Facebook se është ftuar nga Prokuroria për invevistim.

“Dëshiroj të ju njoftoj se kam pranuar një ftesë nga prokuroria speciale për intervistë me datën 8 maj. Kur e mora ftesën mendova që më në fund po më ftojnë për të më pyetur për lëndën që e pata dorzuar në prokurori speciale para gati tri viteve. Por jo, ata më kishin ftuar për nënshkrimin e kontratave për rrugën Prishtinë – Podujevë. Me gjasë dikujt po i pengon dinamika e punimeve në këtë projekt sepse gjithçka po ecën sipas planit”, shkroi Durmishi.

Dyshimet që sollën hetimet e Prokurorisë

38 milionë për rrugën Prishtinë – Podujevë: Ministria e Liburn Aliut tenton ta vlerësojë me kritere të jashtëligjshme tenderin

Tenderi 38 milionësh: Mbi dhjetë ekspertë i japin të drejtë gjetjeve të Periskopit për shkelje nga Ministria e Liburn Aliut

Tenderi për Podujevë: Rekomandohen për kontratë dostat e kafenesë së shefit të prokurimit dhe zëvendësministrit të MMPHI-së

Prokurimi i Ministrisë së Infrastrukturës nuk pyet për ligjin, një tjetër shkelje në tenderin 38 milionësh

Ministria e Infrastrukturës e vulos kundërligjshëm tenderin Prishtinë – Podujevë

Ministria e Liburn Aliut shkel edhe një institucion, konfirmohet lidhja e kontratave të paligjshme për rrugën Prishtinë-Podujevë

E konfirmon edhe OSHP-ja skandalin për tenderin Prishtinë-Podujevë, lidhja e kontratave pa u trajtuar ankesat është shkelje e ligjit

S’kanë të ndalur dallaveret në Ministrinë e Liburn Aliut, dyshime për konflikt interesi për rrugën “Prishtinë-Podujevë”

Pas raportimeve të Periskopit, Prokuroria nis hetimet për tenderin Prishtinë-Podujeve që u realizua nga ministria e Liburn Aliut