Deputetja Duda Balje është ndaluar nga policia serbe në Merdarë

Gjatë ditës së sotme, Deputetja e Kuvendit të Republikës së Kosovës, Duda Balje është ndaluar nga Policia Serbe në Merdarë, shkruan Periskopi.

Këtë e ka konfirmuar për Periskopin vet deputetja Duda Balje.

Ajo ka treguar se është ndaluar në ora 08:15, e cila qëndroi rreth një orë e gjysmë në kufi.

“Po duke kaluar në kufi na kanë ndaluar mua dhe familjen time policia serbe. Aty kemi qëndruar një orë e gjysmë, dhe më pas na liruan. Ata na kanë ndaluar rreth orës 08:15 e mëngjesit”, u shpreh ajo shkurtimisht për Periksopin.

Më 17 prill, sipas autoriteteve në Kosovë, Serbia i ndaloi mbi 1.400 kosovarë për më shumë se 20 orë në pikat kufitare të saj me Kroacinë dhe Hungarinë, të cilët po kalonin transit nëpër Serbi.

Për këtë reaguan Bashkimi Evropian dhe Departamenti amerikan i Shtetit, duke e kritikuar Serbinë për shkelje të marrëveshjes për lëvizjen e lirë mes dy vendeve.

Në mesin e të ndaluarve ishin edhe dhjetë zyrtarë policorë, përfshirë zëvendësdrejtori i Përgjithshëm i Policisë së Kosovës me kombësi serbe, Dejan Jankoviq.

Edhe në të kaluarën, qytetarët të Kosovës që kalojnë përmes Serbisë kanë hasur në probleme, me disa prej tyre që janë arrestuar nga autoritetet serbe nën dyshimet për krime lufte./Periskopi

DASH: Ndalimet arbitrare të qytetarëve dhe policëve të Kosovës, veprime përshkallëzuese

Bllokimi i kosovarëve në Serbi, ish ministri i Brendshëm: Vendimi i Asamblesë e ka prek shumë Vuçiqin