Dështon e “preferuara” e Kurtit për Kryeshefe të KPM`së, s’e kalon testin (DOKUMENT)

Periskopi ka siguruar dokumentin ku njofton ndër të tjera, se Racaj dhe Islami do t’i parashtrohen edhe intervistës, teksa kandidatët të cilët nuk kanë kaluar testimin me shkrim, do të njoftohen individualisht përmes emailit.

Kur jemi tek kandidatët që dështuan ta kalojnë testin me shkrim, këtu hyn edhe Herolinda Zagragja Goçi – motra e pronarit të shtëpisë në të cilën Kurti tash e sa vite është qiraxhi i tyre.

Periskopi ka raportuar ditë më parë se, kryeministri Kurti po bën përpjekje për ta kapur me njeriun e tyre, një ndër pozitat kyçe në këtë organ të pavarur – megjithatë kësaj radhe doli pa sukses.

Cila është historia e Albin Kurtit me familjen Zagragja?

Pak para se të bëhej kryeministër, Albin Kurti ndërroi vendbanimin. Ai u zhvendos në Taslixhe, një lagje periferike e Prishtinës. Kurti ka deklaruar se paguan 250 euro qira për një shtëpi mjaft të madhe, dy katesh. Pronarë të shtëpisë ku aktualisht banon kryeministri Kurti janë familja Zagragja.

Lexo edhe: 

Arkiva| Kurti e paguan shumë lirë banimin në shtëpinë 500 metra katrorë: Pse e vizitoi familjaren e qiraxhisë në Amerikë?

/Periskopi/