Gani Jakupi, Dua Lipa, Rita Ora e këta: Gërvalla krahason këshilltarin me super-yjet

Ministrja e jashtme Donika Gërvalla, gjatë raportimit të sotëm në Komision parlamentar, e ka quajtur shumë modeste pagën prej 7500 euro për një konsulent/ këshilltar që quhet Gani Jakupi.

Periskopi ka raportuar ekskluzivisht kontratën ditë më parë ndërkaq veç tjerash, Gërvalla sot bëri një analogji mes emrit Gani Jakupi, Rita Orës dhe Dua Lipës.

‘Natyrisht, por zoti Gani Jakupi nuk i ka më shumë borxh Kosovës sesa të gjithë qytetarët e Republikës së Kosovës dhe nuk i ka borxh këtë fushatë që zhvillohet kundër tij.

Unë jam e lumtur që zoti Gani Jakupi si shumë profesionistë të tjerë, anembanë botës asnjëherë nuk i kanë shkëputur lidhjet e tyre me Kosovën, më lejoni të përmend: Dua Lipa, Rita Ora, ato nuk kanë nevojë të profilizohen përmes Republikës së Kosovës, por të na ndihmojnë që ne të gjejmë kujdesin dhe vendin e merituar në botë.

Prandaj, Gani Jakupi në kuadër të një kontrate e cila bazohet tërësisht në legjislacionin vendas, që është instrument i përdorur në mënyrë të vazhdueshme për të arritur disa objektiva që s’mund t’i arrijmë në rrugë formale, zyrtare diplomatike’.

EKSKLUZIVE: Donika Gërvalla dhe ambasadori Agron Bajrami angazhojnë këshilltar me rrogë 7.500 euro në muaj