Martin Berishaj s’kallëxon a është pronar i kompanisë dhe kah i rrjedhën paret prej Serbisë – flet për padi

Ky i fundit,  tek sot bëri një reagim krejt të shkurtër dhe të paqartë në profilin e tij në Facebook. Aty tha se raportimi është shpifje dhe se do të ngre padi ndaj mediumit slloven, shkruan Periskopi.

“Pavarësisht nga fushata parazgjedhore në Slloveni dhe ballafaqimi i fundit i mbrëmshem në mes akterve kryesor politik, i z. Janša dhe z. Golob, ku u mohua shkrimi i Planet tv lidhur me emrin tim, nga sot, padia ime kunder portalit ne fjalë, hap rrugë per fjalen e fundit gjykatës. Nuk është e drejtë të jemi thjesht të sigurtë në drejtësi dhe në të vërtetë. Duhet edhe ta mbrojmë drejtësinë dhe te vërtetën. Përndryshe shpifjet bëhen normale”, ka shkruar Berisha’’, kjo ishte krejt çka tha Martin Berishaj.

Mirëpo ambasador Berishaj nuk dha përgjigje para opinionit publik se a është kompania ‘MP Consulting’ në emër të tij dhe për çfarë transferesh nga Serbia po bëhej fjalë.

Martin Berishaj shmangi këto sqarime, për çka edhe po akuzohet thellë për shpërlarje parash, tri ditë para zgjedhjeve në Slloveni.

Lidhur me këto dyshime, Periskopi kontaktoi ish-ambasadorin e Kosovës në Slloveni, Anton Berisha i cili fajësoi Qeverinë Kurti për emërimet që ka bërë në vendet e jashtme, aq më tepër kur atë individë janë shtetas të huaj dhe vështirë mund t’u bëhet verifikimi nga insititucionet kosovare.

‘’Personalisht nuk jam në dijeni që ndonjë qeveri e rajonit apo në Europë që ka bërë kaq shumë emërime nga jashtë sikurse kjo e Kurtit.”, tha Berisha për Periskopin.

Për këtë çështje foli edhe politikani slloven për të cilin u raportua se ambasador Berishaj ia kishte bartur 600 mijë euro në llogari. Natyrisht, e mohoi edhe ai.

Ndryshe, po kërkohet shkarkimi i menjëhershëm i Martin Berishajt nga ministrja Donika Gërvalla, ndonëse deri më tani nuk ka pasë as edhe një reagim të vetëm nga Qeveria e Kosovës./PERISKOPI/